في قلوب العاش*ين البارت الاول

1647 Words

في منزل عائلة الشيمي اشهر عائلات البلد .......... _ ماما فين اللابتوب بتاعي كان هنا انا عاوزه ضروري عندي شغل ..... = طيب يا فارس هنادي عالبنت تدورلك عليه ........ ( فارس الابن الوحيد للعيلة والوريث الوحيد عمره ٢٩ سنه قمحاوي البشره ملامحه جاده خاطب بنت عمه عن قصه حب ) _ يا سعدية يا سعديه . هي راحت فين دي هي مشيت ولا ايه ....... راحت عاليا هانم مامت فهد تدور عليها مش لقياها في اي مكان اختفت و علبة الدهب اتسرقت واللابتوب بتاع فارس ......... = تاني يا ماما انتي عارفه دي الشغاله ال كام الي تسرقنا قولتلك بلاش شغالين دول خالص هاتي طباخ وشركه تنضف كل يومين ......... _ اعمل ايه يا فارس طيب بحتاج حد يفل معايا طول اليوم يساعدني مينفعش حد يسيبني و يمشي كده بحتاج حاجات في نص اليوم ........ انا هشوف حد امين يشوفلي واحده كويسه .......... = انا بصراحة يا ماما زهقت من الشغالين دول و مش عاوز شغاليين يدخلوا البيت دا تاني .......... الباب بيخبط وبتدخل أسما ..... ( أسما بتكون بنت عم فارس بيحبها من زمان واتخطبوا لكن هي اتخطبتله عشان هو الوريث الوحيد لأن العيله كلها بنات وهو اختارها هي من وسطهم او بمعني اصح هي الي لعبت بيه خلاها تتعلق بيه ..) _ صباح الخير يا فارس ...... صباح الخير يا طنط مالكم صوتكم عالي ليه انا سمعاكم من بره في ايه حصل ..... = ايه اللي هيحصل يعني يا أسما ..... ماما كالعادة جايبلنا شغاله و سرقتنا و مشيت زي كل مرة المشكله ان اللابتوب بتاعي عليه كل الشغل ...... _ ولا يهمك يا حبيبي انا عاملة حسابي و كنت واخده نسخه من كل اللي علي الاب توب لما كنت شغاله عليه ....... - غريبه ليه واخده نسخه مش فاهم ....... _ ايه ده مال وشك اتقلب ليه ....... انا كنت مفكراك هتفرح ....... و تشكرني كمان ....... _ اشكرك علي ايه بس انتي مش هتبطلي الي انتي بتعمليه ده ....... مره الاقيكي داخله عالواتس اب بتاعي وربطاه بموبايلك ومرة تانيه تجيلي في ميتنج فجأه فالنادي ...... ودلوقتي اكتشف انك واخده كوبي من هارد اللاب بتاعي ........ كده كتير اوي يا اسما انا بدأت ازهق ........ = هدي نفسكم يا ولاد بس يعني هي غلطانه انها بتساعدك لو مكنتش واخده كوبي من الهارد كان شغلك كله هيضيع يا فارس ........ _ انا نازل يا ماما اتمشي شويه عشان مخنوق ....... في بيت بسيط بتعيش فيه حور و عائلتها ( حور بنت بسيطه طلعت من المدرسه بسبب ظروف اهلها الصعبه عندها دلوقتي ٢١ سنه بتشتغل مع مامتها فالبيوت عشان تقدر تصرف عالبيت لأن والدها جاله مرض نادر بيخليه ميقدرش يتحرك من عالسرير .... ) _ هنعمل ايه يا ماما دلوقتي الايجار اتأخر و الراجل هيطردنا من الشقه هنعمل ايه بابا عاوز العلاج و مصاريف اخواتي بتاعة المدرسه ........ = والله مانا عارفه يا حور هعمل ايه طيب انا هنزل من بكرة ادور علي شغل واقدم في مكاتب عاوزين شغالين يمكن يجيلنا اي شغل كويس من المكاتب ........ _ طيب يا ماما ...... ربنا معاكي و تلاقي شغل عند ناس كويسين........ و فعلا تاني يوم راحت ام حور المكتب تسال فيه عن شغل ........د و اول لما وصلت صاحب المكتب بصلها و قالها . ........ _ اتفضلي اقعدي ....... انت عندك مانع تشتغلي في مستشفي ...... لان قبل ما تدخلي علطول جالي تلفون مطلوب عامله نظافه في مستشفي ......... _ مستشفي ....... لا شوفلي حاجه تانيه ........ الله يخليك ...... انا جوزي تعبان و المستشفيات بيبقي الشغل فيها بليل ........ _ طب و انا اجبلك شغل الصبح بس ازاي ....... مافيش حاجه كده ........ _ طيب لو لازم بليل ماشي بس مش في مستشفي ....... برده ...... اخاف اتعدي و لا انقل مرض لجوزي و هو مش ناقص الله يخليك ...... _ كان لسه قبل ما تيجي علطول ناس كويسين اوي عاوزين واحده امينه ..... و انا مجربك قبل كده ....... بس طول عاوزين واحده مقيمه ....... _ مقيمه ....... يا دي الحظ ....... _ عموما فكري لان هما بيدفعوا حلو اوي ....... وناس كريمه اوي مش هيخلوكي عاوزه حاجه خالص ...... _ ايوه .. بس انا صغب اوي بالنسبه لي الموضوع ده . و لا اقولك .. انا ممكن ابعت بنتي حور . بس المهم يكونوا ناس كويسين و محترمين . بنتي امنانه في رقبتك . . _ بقولك دول ناس فوق . فوق . و هتشوفي بنفسك .. اهم حاجه بنتك شاطره زيك كده و لا ايه . _ دي لهلوبه و الله . اشطر مني بكتير . _ تمام ... يعني اكلم لك الناس و اتفق معاهم ان حور بنتك هتروح من بكره و لا ايه . _ بكره كده علطول . _ ايوه . هما مستعجلين جدا و عاوزين الشغاله النهارده قبل بكره . ها قلتي ايه . اتصل بيهم . _ ماشي خلاص اديني العنوان و انا هوصلها هناك من النجمه . روحت ام حور و حكت لحور كل اللي حصل في مكتب التشغيل . _ معقول يا ماما هتخليني اروح اشتغل و اسيبكم . _ ما هو يا بنتي انتي عارفه الحال . و انا ما اقدرش اروح بيات و اسيب ابوكي . و انتي عمرك ما هتعرفي تخدمي ابوكي . _ ايوه بس انا برده عمري ما بت بره البيت خالص و معرفش ازاي ممكن اعيش . مع ناس معرفهمش . = هنعمل ايه يا بنتي احنا متضطرين عشان محتاجيين فلوس اهم حاجه تخلي بالك علي نفسك ولو اي حاجه ضايقتك تسيبيهم وتمشي علي طول اوعي تسمحي لحد انه يزعلك او ي**ر بخاطرك . _ حاضر يا ماما وانتي خلي بالك من بابا و اخواتي وانا هحاول اخليهم يدوني القبض مقدم عشان نقدر ندفع الايجار المتأخر ومصاريف علاج بابا ومدرسه اخواتي .... دخلت حور الازضه وكانت متضايقه لأنها فجأه هتسيب اهلها وتروح بيت تاني يسرعه بدون اي مقدمات ...... كانت خايفه من الناس الي رايحلهم يا ترا هيعاملوها ازاي وهل هما ناس كويسين ولا لا ........ فضلت حور تدور علي هدوم شكلها حلو شويه . تقدر تقعد بيهم بس كانت كل هدومها قديمه ومقطعه ومش لاقيه حاجه تاخدها معاها . دخلت عند جارتها هي بنت قدها فالسن شغاله عند ناس جايبنلها هدوم حلوة . فا قالت تروح تستلف منها طقمين تروح بيهم . خبطت عالباب ... _ ازيك يا حور عامله ايه تعالي ادخلي .. = الحمد لله يا ليلي انا كنت عاوزه اطلب منك طلب بس م**وفه شوية ..... _ اطلبي يا حبيبتي احنا اخوات ........ = اصل انا جالي شغل بره وهبات فيه وكان نفسي اروح شكلي حلو معندكيش طقم تدهولي اروح بيه بدل الهدوم المقطعه بتاعتي دي ......... _ طبعا يا حبيبتي الدولاب عندك نقي كل الي انتي عوزاه انا عندي هدوم كتير ......... = ربنا يخليكي ليا يا ليلي انا مش عارفه اقولك ايه انتي اخت بجد ...... قعدت تدور حور علي طقم لقت فستان شكله جميل سمبل لبسته كان حلو اوي عليها ...... خدته و ليلي ادتها طقمين تانيين تقعد بيهم فالبيت عشان يبقي شكلها حلو و محدش يتريق عليها ........ رجعت تاني علي بيتها تقعد مع باباها شويه وتفهمه انها غصب عنها هتضطر تسيبهم وتروح تقعد مع ناس تانيه تشتغل عندهم ......... _ انت عارف انا بحبك اد ايه ولا لا يا بابا انا والله غصب عني همشي اروح اشتغل و ابات بره البيت كان نفسي افضل جنبك ومسبكش ابدا ......... = و مين قالك ان انا موافق انك تسيبينا ولا عاوزك تطلعي بره البيت مش كفايه امك وشحطتها فالبيوت هتبقي انتي وامك انا كده حاسس ان انا عاجز عن مصاريفكم وعاله عليكم ......... _ ما تقولش كده يا بابا ده كفايه وجودك وسطنا دي عندنا بالدنيا وما فيها ان شاء الله هتخف وتبقى كويس ونرجع نتلم ثاني وهنبقى احسن اسره في الدنيا بس انا لازم اوافق عشان انا مش هاقدر اقعد اخواتي الصغيرين وماما هي اللي تروح ........ لازم تفضل قاعده عشان تخدمكم انت واخواتي ....... = على عيني يا بنتي والله اشوفك متبهدله البهدله دي ...... _ ما فيش بهدله على حاجه ما تقلقش يا بابا ماما تاكدت ان الناس اللي انا رايحه عندهم ناس كويسين ومحترمين و بيعاملونى كويس وكمان المرتب كويس قوي عشان نفك الازمه اللي احنا فيها الراجل بتاع الايجار قال لنا مد*كم مهله كم يوم ويطردنا بره البيت هنروح فين يا بابا احنا ملناش اهل ولا عندنا مكان نروحه .......... اهم حاجه بس خلي بالك على نفسك وخذ ادويتك في في مواعيدها ما تخلينيش اقلق عليك ربنا يخليك لنا ويطول في عمرك ........ = حاضر يا بنتي هاقول ايه لله الامر من قبل ومن بعد خلي بالك من نفسك يا حور اوعى يا بنتي حد يجي عليكي او ي**رك لو حسيتي ان في اي حد بيضايقك امشي يا حور .... _ حاضر يا بابا انا مش عايزاك تقلق عليا خالص انا هافضل بخير طول ما انت وماما واخواتي بخير ....... = انت هتمشي على امتي كده ......... _ ان شاء الله يا بابا على بكره الصبح الناس مستعجلين دول كانو عاوزني اروح النهارده بس انا قلت لهم يدوني مهله يوم اجهز نفسي ......... = على طول كده يا حور كنتي تقعدي معانا لغايه اخر الاسبوع هتمشي وتسيبيني على طول ......... _ معلش يا بابا غصب عني انا على طول هاجي كل اجازه اقعد معاكم براحتنا و نشبع من بعض ........ دخلت على اخواتها تبص عليهم لقيتهم نايمين كانوا شبه الملايكه ....... حضنتهم وقعدت تعيط وتقولهم غصب عني والله يا حبايبي علي عيني والله اني اسيبكم وامشي انا بعمل كل ده عشان مصلحتكم ........ وخرجت قعدت مع مامتها شويه ........ _ مالك يا بنتي شكلك متضايق كده ليه وشك اصفر ..... = صعبان علي قوي يا ماما اسيبك انت وبابا واخواتي لوحدكم وامشي بس هنعمل ايه ما باليد حيله ....... _ على عيني يا بنتي بهدلتك دي انا مش عاوزاكي تخافي واتعاملي كويس مع الناس وخليكي نضيفه و اعملي كل اللي يتطلب منك ما تخليش حد يمسك عليكي غلطه ...... = ما تخافيش يا ماما هو انا اول مره اشتغل مانا هشتغل زي ما بشتغل على طول ......... _ ايوه بس دي اول مره تباتي بره البيت لازم تخلي بالك من كل حاجه بتحصل حواليكي ولو شفتي دهب او اي فلوس ولا حاجه مالكيش دعوه باللي موجود احسن يحصل اي مصيبه و احنا غلابه مش ناقصين مشاكل ......... = حاضر يا ماما انا رايحه اشتغل وبس ما ليش دعوه باي حد هناك ولا ليا دعوه باي حاجه ...........

Free reading for new users

Scan code to download app

App Store Google Play

Facebookexpand_more