في قلوب العاش*ين البارت الثامن والعشرون ( الاخير )

3053 Words

في قلوب العاش*ين البارت الثامن والعشرون ( الاخير ) بقلم / غادة سعيد ديما وعا** الفرحه ما كانتش سيعاهم وحور كانت فرحانه جدا لصديقه عمرها ديما هي كانت بتقول عليها انها صديقه عمرها مع انها لسه مقبلاها قريب لكن هي فعلا حاسه ان دي هي صديقه عمرها بسبب المعامله اللي كانت بتعاملهالها ... كانت فرحانه جدا وحاسه انها هي اللي سعيده كده لان ديما كان باين عليها الفرحه لكن حور كانت حزينه من جواها على اللي شافته وما كانتش تعرف ان فارس مظلوم و كان عامل كل ده عشانها ... فارس كان قاعد حزين مش عارف يوصل لحور بأي طريقه وكان بيحاول يكلمها بس ما كانش راضي يروح مكان شغلها عشان ما يعملهاش مشاكل ... لكن قرر انه خلاص هيروح عند الشغل و يسأل عليها ويقا**ها ... كان قاعد عمال يفكر فجاه باب بيتهم خبط اسما جات دخلت سلمت على كل الموجودين وفريده كانت بتسلم عليها سلام مش حار لانها اصلا ما بتحبهاش ولا بترتاح لها خالص فجاه طلعت فوق خبطت على فارس ودخلت عليه الاوضه وقفلت الباب .... اسما : انا عاوزه اعرف انت فيك ايه بالظبط متغير معايا ليه يا فارس صارحني لو في حاجه واحكي لي فارس : ما فيش حاجه يا اسما انا بس متضايق بقى لي كام يوم لكن والله ما فيش حاجه ... اسما : طيب احنا دلوقتي كنا متقابلين وكنت عاوزه احدد انا وانت معاد الفرح فجاه لقيتك بتقول لي يلا ممكن افهم في ايه بالظبط ... فارس : قلت لك ما فيش حاجه يا اسما هو انا كده متضايق ... اسماء : طيب انا عاوزه نتكلم دلوقت عندك استعداد انك تتكلم ... فارس : عاوزه تتكلمي في ايه انا سامعك ... فجاه تليفون اسما رن راحت مكنسله ولما كنسلت اتصل تاني بيها كنسلت تاني ... فارس : مين اللي عمال يتصل بيكي وتقفلي عليه ده اسماء قالت له : ما فيش دي واحده صاحبتي و م**مه انها تتصل بيا وانا مش عاوزه ارد على حد وانا معاك عشان انت اهم عندي من اي حد ... فارس حس من كلامها انها بتتلجلج في الكلام راح طلب منها انها تنزل تجيب له كوبايه ميه طبعا هي ما حطتش حاجه في دماغها ونزلت وسابت شنطتها و التليفون وبقيت حاجاتها ... فارس اول ما خرجت من باب الاوضه قفل على نفسه بالمفتاح وفتح شنطتها و مسك التليفون واتصدم صدمه عمره لما شايف ان كريم هو اللي بيتصل بيها وفتح الواتس قرا الشات اللي بينهم وكلام الحب اللي هي قيلاهوله وكمان الكلام اللي قايلاه على فارس واللي ناويه تعمله فيه كان مصدوم صدمه عمره في صديق عمره اللي كان عامله كانه اخوه ... الباب قعد يخبط واسما قعدت تقول له : افتح الباب يا فارس انا جبت لك الميه رد عليها وقال لها : انا بغير هدومي هاخلص وافتح الباب ... قالت له طب اديني شنطتي قبل ما تغير عشان عاوزاها ضروري راح رد عليها وقال لها عاوزاها ضروري ليه انا مش هافتح الباب غير لما اخذ شاور واغير كمان اسما هنا بدا التوتر وتقول له افتح الباب دلوقت حالا انا عاوزه شنطتي باقول لك وهو مش راضي يرد عليها كان بيقرا الشات اللي بينهم وقصه الحب الكبيره اللي بينهم وهو اللي كان مغفل طول الفتره دي و متاكد ان هم بيحبوا بعض من زمان صور الشات ده كله عشان يواجهها قدام الناس كلها وما حدش يلوم عليه كان حزين على نفسه وفي نفس الوقت فرحان انه لقي حجه يسيب بها اسمها ويروح لحور فتح الباب اخيرا واسما كان وشها احمر لما شافته ماسك التليفون بتاعها بإيديه قالت له : انت ماسك تليفوني ليه .. فارس : هتعرفي ليه دلوقت انا بقى هاوري الناس علاقتك بكريم وهفضحك في كل حته انتي فاكره اني ما كنتش اعرف طول الفتره دي عرفتي بقى انا متغير ليه من زمان عشان شاكك فيكي انتي وكريم ناس كثير قالت لي عنكم حاجات وانا ما كنتش باصدق ما كنتش اتصور انك تطلعي كده يا اسما وكان فاتح التسجيل و بيسجل كلامها ... اسما : والله العظيم انا ولا باحبه ولا نيله انا كنت واخداه كوبري عشان ا**بك عارفه انه اقرب صاحب ليك كنت عامله نفسي اني بحبه عشان لو في اي حاجه يجي يقولها لي وهو كان زي الاهبل بيبلغني كل تحركاتك كريم مين اللي احبه يا فارس حد يسيب فارس الشيمي ويروح يحب كريم ده والله ولا باحب ولا بطيقه اصلا انا كنت بمثل عليه بس وعامله نفسي كاني باعمل كده عشان ا**رك لكن انا كنت مستنيه نحدد الفرح بس وهديله بالجزمه ومش هاعرفه تاني اصلا انت مقتنع بكلامي ولا لا ... فارس : انا مش مقتنع بكلامك ولا مصدقك اصلا بعد الكلام اللي شفته ده انتي ما تلزمنيش وكل واحد فينا من طريق ... اسما : انا مستحيل اسيبك انا لو سبتك ممكن يجرالى حاجه يا فارس اوعي تعمل فيا كده والنبي انا غلطانه اه بس انا عملت كل ده عشان ما كنتش عاوزه اخسرك كنت عاوزه اوصل لك باي طريقه لكن انت هتعمل فيا كده اوعي يا فارس والنبي ... فارس : انا مش عاوز اسمع صوتك تاني ولا عاوز اشوف وشك ولو كلمتيني او شوفتك تاني الشات اللي في ايدي ده هاوريه للعيله كلها وهتبقى فضيحتك بجلاجل شوفي بقى هيعرفه ايه لما تكوني مخطوبالي و بتقابلي واحد تاني وبتحبيه وبتقولي له نفس الكلام اللي بتقوليهولي فكري كده في نظرة اهلك لما يعرفوا هيعملوا ايه خلينا نفض موضوعنا ده كده بالمعروف احسن ما اعمل لك مشاكل انا مش عاوزك ولا عمري هرجيعلك تاني شوفي انتي عاوزه تعملي ايه ارجعي لكريم اللي انت بتحبيه وفضلتيه عليا وانتي مش كنتي لسه معاه امبارح كمان وبتحكي له على كل تفاصيل حياتنا انا عن نفسي مش عاوز اعرفك ولا اعرفه تاني اسما : لا يا فارس اوعى تعمل فيا كده والله العظيم انا باحبك انا كنت باستغله عشان اعرف منه كل تحركاتك عشان عارفه ان سرك كله معاه وكان فعلا بيجي يحكي لي كل حاجه لكن انا غلطت انا عارفه .. زي برده لما كنت براقبك على التليفون وبراقبك في اللاب توب ... ده برده كنت باعمل كده عشان اعرف منه انت بتعمل ايه و بتفكر ازاي انا اسفه يا فارس سامحني ... فارس : انا مش مسامحك يا اسما وابعدي عني عشان والله العظيم زي ما قلتلك كده هتقربي مني تاني هاعمل لك فضيحه لكن هتفضلي بعيد هاقول بكل سهوله احنا سبنا بعض وخلاص ومش قادرين نكمل لان انا لو حصل اي حاجه عمري ما هاكمل معاكي اسما : انا هامشي دلوقتي يا فارس بس انا هاجي تاني عشان نتكلم ... مشيت اسما وفارس كان حاسس انه فرحان قوي انه اخيرا خلص منها بس كان حزين على صاحب عمره انه ازاي ي**نو بالطريقه دي اتصل بكريم عشان ينهي علاقته بي ... كريم : ايوه يا فارس عامل ايه ... فارس : عمري ماكنت اتصور انك انت يطلع منك كل ده يا صاحب عمري بتدوس عليا و بتخوني عشان خاطر واحده ... كريم : انا مش فاهم انت بتتكلم عن ايه بالظبط انت تقصد ايه يعني .... فارس : انت عارف كويس انا اقصد ايه انا قصدي على اسما اللي انت رحت خنتني معاها وبتحب فيها وانت عارف كويس اللي احنا مخطوبين كنت عارف كل ده و بتدوس عليا و بتشتغلني ومش قايل لي عشان خاطر واحده تبيع صاحب عمرك انت ما تنفعش تكون صاحب يا كريم عشان كده انا مش عاوز اعرفك تاني ... كريم : اسما مش اي واحده يا فارس انا واسما بنحب بعض من زمان قوي وانت اصلا كده كده كنت هتسيبها فارس : ودي مش اسمها خيانه انك تحب خطيبه صاحبك وكمان كنت عارف انها ناويه تأذيني ومش قايل لي على العموم اشبعوا ببعض انتم الاتنين وعايز اعرفك حاجه بس اسما ولا بتحبك ولا حاجه كانت بتعمل كده عشان تيجي تقول لها على كل اسراري وانت فعلا كنت بتقول لها ونجحت في كده ... كريم : انت كداب وانا مستحيل اصدقك اسما بتحبني انا وما تقدرش تستغني عني كمان هي كانت قايله لي انها بتنتقم منك بس .. بعد اللي ابوك عامله في ابوها وكانت عاوزه تجرحك واول ما تحدد الفرح كانت هتسيبك وتمشي في نص الفرح عشان ت**رك قدام الناس كلها اسما بتحبني انا لو عاوز تسمع بصوتها هي بتحب مين ممكن اوريك ... فارس : لا انا مش عاوز اسمع حاجه ولا عاوز اعرفك ولا اعرفها تاني بس انا ها بعت لك رساله انا كمان بصوتها كده تعرف اسما بتحب مين فعلا و قفل السكه في وشه و بعت له التسجيل اللي مسجله ل اسما وهي بتقول عليه انه كوبري كانت واخذاه عشان تعرف اسرار فارس منه وقد ايه هي بتحب فارس و مستحيل تسيب فارس وتبص لي اللي اسمه كريم ده سمع التسجيل وكان مصدوم صدمه عمره في اسما قفل مع فارس واتصل بيها لاقاها مش بترد قعد يتصل ويبعت رسايل كتير فتحت عليه وهي منهاره من العياط وقالت له : كريم سيبني دلوقت انا تعبانه ... كريم : انا مش هاسيبك يا اسما غير لما تقولي لي انتي فعلا كنتي وخداني كوبري عشان توصلي لفارس ومش بتحبيني ... اسما : احب مين يا ابني انت ع**ط انا احبك انت انا عمري ما حبيت حد غير فارس هو حب حياتي وابن عمي لكن انا فعلا كنت واخداك كوبري كنت شايفاك انك هتموت عليا ومدلوق كده وانا كنت عاوزه اخليك سعيد مش اكتر بعد اذنك اقفل دلوقت انا مش هاقدر اتكلم خالص ... كريم : انا بعد اللي انت عملتيه فيا ده هتشوفي انا هاعمل فيكي ايه اسما : اعمل اللي تعمله انا كده كده هاموت نفسي بعد ما فارس سابني .... وقفلوا مع بعض فريده خبطت على فارس الباب وقالت له : ايه يا فارس اسما يعني مشيت على طول وكان شكلها بتعيط هو ايه اللي حصل بالظبط فارس اخيرا يا فريده خلصت من الكابوس ده سيبنا بعض بس المشكله دلوقت ان حور زعلانه مني جدا لانها شاف*ني انا واسماء وهي كانت ماسكه ايدي والله هي اللي كانت ماسكاها مش انا واول ما شافت المنظر ده من ساعتها مش بترد عليا وكانت بتقول لي ان انا كنت باضحك عليها واقول لها ان انا باحبها وانا كذاب ... فريده : طب وبعدين يا فارس هتعمل ايه ... فارس : مش عارف والله اديني خلصت من اسما لما اشوف هاعمل ايه مع حور انتي طمنيني قلتي حاجه لماما ... فريده : لا ما قلتش لسه بس بابا جاي النهارده واحنا هنصالح ماما على بابا بعد كده نبقى نفاتح هم في الموضوع بتاعك .. فارس : طيب يا فريده لما نشوف اخرتها معاكي ايه انا كل همي دلوقتي ان انا عاوز اصالح حور باي طريقه قولي لي اعمل ايه ... فريده : خد لها بوكيه ورد وروح قا**ها في المكان اللي هي بتشتغل فيه اللي انت قلت لي عليه ده البنات بتحب الورد قوي يا فارس ... فارس : تفتكري اعمل كده لا انا بافكر اعمل حاجه اكبر من كده لما اعمل هابقى اقول لك ... فريده خرجت بره وفارس ملقاش قدامه غير عا** يكلمه هو مدير حور في الشغل واكيد يعرفها كويس ... عا** : اهلا يا فارس عاش من سمع صوتك ايه هتيجي تقابلني زي ما اتفقنا فارس بصراحه يا عا** انا عاوز حاجه ثانيه خالص و محرج منك ... عا** : اوعى تحرج منى احنا اخوات قولي عاوز ايه وانا هاعمله لك انت جمايلك مغرقاني ... فارس : حور ... عا** : مالها حور انت تعرف حور اصلا ... فارس : بصراحه يا عا** انا عاوز اتجوز حور و باحبها جدا بس هي زعلانه مني بقى لها فتره وانا عاوز اصالحها ومعتمد عليك في الموضوع ده ... عا** : انت بقى اللي حور بتحبه لها حق طبعا ترفضني عشانك .. فارس : ترفضك ازاي يعني هو انت كنت عاوز ترتبط بحور ازاي يا عا** وانت متجوز اصلا ... عا** : كنت هتجوز تاني عشان اخلف بس حور دي ما فيش زيها رفضت واخذت مراتي لدكتور اتعالجت عنده و الحمد لله دلوقت مراتي حامل اول ما قلت لها رفضت رفض تام انها تتجوزني وتجرح مراتي .. هي ومراتي دلوقت اصحاب جدا مش قادر اقول لك اكتر من الاخوات كمان ديما بتحبها قوي يا فارس حور دي بنت ما فيش زيها يا بختك بيها بجد ... فارس : عشان كده انا اخترتها من بين كل البنات اللي حواليا اللي هيموتوا و يتجوزوني حور دي فعلا ما فيش زيها عاوزك تساعدني يا عا** باي طريقه اني اصالحها وارجع لها ازاي مش عارف ... عا** : انا نفسي من زمان ارد لها جزء من الجميل اللي عملته معايا انا وديما سيب الموضوع ده عليا وتعالى بكره على الساعه 12 الظهر وظبط نفسك كده ومعاك بوكيه ورد او حاجه تصالحها بيها و سيب الموضوع عليا ان اظبط لك كل حاجه ... فارس : بجد يا عا** والله مش عارف اشكرك ازاي لو فعلا قبلت انها تصالحني ده هيبقي جميل مش هنساه لك ... عا** قفل مع فارس وديما كانت جنبه بتساله هو في ايه حاكلها على اللي حصل وقالت له انا عاوزه اساعدك في الموضوع ده وفرحت جدا راحت اشترت فستان حلو لحور وراحت تاني يوم الكافيه بدري اول ما حور جاءت لقيتها اتفاجئت بيها وقعدت تحضنها وتقول لها انتي جيتي ليه مش المفروض ترتاحي في البيت عشان الحمل ... ديما : اصل انتي وحشتيني قوي وكنت عاوزه اجي اشوفك و جايبه لك معايا هديه نفسي اشوفها عليكي طلعت لها الفستان وحور اول ما شافته عجبها قوي وقالت لها جميل قوي يا ديما ربنا يخليكي ليا يا رب ديما قالت لها : ممكن تدخلي تلبسي عشان عاوزه اشوفه عليكي ... حور : طب خليها بعد الشغل يا ديمه عشان مستر عا** ما يقتلنيش عشان عندنا شغل كتير .. ديما : فين اللي عندكم شغل كتير ما فيش حد لسه جه البسي الفستان و مالكيش دعوه انا هاقول لعا** بنفسي عايزه اشوف حاجه بقى ما ت**فنيش يا حور دخلت لبست الفستان وكان حلو قوي عليها وديما راحت مسيبه لها شعرها وحطيت لها ميك اب خفيف قالت لها الله يحور بصي شكلك حلو ازاي في نفس الوقت عا** قفل المطعم واي احد يجي يقول لهم احنا قافلين وادا للعمال كلهم اجازه من قبلها بيوم وفارس وصل ديما اخذت حور على المكتب وهي ما تعرفش اي حاجه وفارس وصل وهو لابس بدله وماسك بوكيه الورد اول ما عا** رن لديما اخدت حور ومسكتها من ايديها وطلعت بها بره حور ما كنتش فاهمه اي حاجه خالص اول ما خرجت لقيت فارس معاه بوكيه الورد راح قاعد على الارض وهو بيديها بوكيه الورد ومعاه خاتم وقال لها انا اسف ... بحبك ... تتجوزيني .. فضلت ساكته ودموعها كانت سبقاها مسكت ايده واومته من على الارض وقالت له ايه اللي انت بتعمله ده يا فارس قال لها باقول لك باحبك اوعى تفهميني غلط انا عمري ما احب حد غيرك خلاص بقى يا حور انا اسف انتي فهمتيني غلط انسي اسما دي خالص انا سبتها خلاص .. يعني انتي موافقه ولا مش موافقه نتجوز ... حور : من غير ما اقول انت عارف يا فارس انت ايه بالنسبه لي بس برده ايه اللي انت عملته ده فضحتني قدام الناس فارس : عا** وديما هم اللي عاملين المفاجاه دي بنفسهم ... حور : بقى كده برده يا ديما مش احنا اخوات مش تقولي لي كنت عملت حسابي ... ديما : انت زي القمر يا حور في اي حاجه ما فيش حد احسن منك انا بحسد فارس عليكي اوعي تزعلها يا فارس في يوم من الايام ... فارس : عمري في حياتي ما هزعلك منى يلا بقى عشان انا عاوز اجي اقابل اهلك دلوقتي حالا .... حور : دلوقتي ايه لا مش هينفع طبعا ... فارس شدها من ايديها وقرب منها وقالها هو ايه الي مش هينفع بقولك هروح اقابل اهلك دلوقتي حالا .... ديما : انا هكتبلك العنوان يا فارس انا عرفاه ... حور بصت ل ديما وقالتلها انا هوريكي يا ديما بقي تعملي فيا كل ده .... جريت ديما كتبت ل فارس العنوان في ورقه و قالتله روح بسرعه يا فارس قبل متغير رأيها عشان دي مجنونه ... خد الورقه وجري بسرعه و حور قعدت توقفه لكن هو مسمعلهاش وسابها و جري .... وصل علي بيت حور و قابل اهلها ... مكنوش مصدقين ان واحد بالشكل ده و معاه عربيه زي دي يجي يتقدم لبنتهم .... وافقوا بدون تفكير كان فارس الفرحه مش سيعاه بس كان لسه مش عارف هيواجه مامته ازاي بالكلام ... روح البيت وكان باباه هناك و فريده بتحاول تصلح بينه و بين مامته .... وعماله تتكلم معاهم وتقولهم احنا عاوزين نتلم في بيت واحد ... اخيرا مامتهم بدأت تحن بسبب إلحاح باباه عليها .... فارس قالهم كلهم يا جماعه انا عاوز افاتحكم في موضوع .... عاليا : خير يا فارس في ايه ... فارس : ماما انا خلاص قررت اتجوز ... عاليا : بجد حددت الفرح انت و اسما خلاص .... فارس : بقولك هتجوز تقوليلي اسما برضو ... انا عاوز اكمل حياتي مع الإنسانه الي اخترتها و الي بحبها و اسما دي مستحيل اكمل حياتي معاها بعد الي عملته و متسألنيش عملت ايه عشان مش عاوز افتح الموضوع ده تاني انا بحب حور يا ماما و عاوز اتجوزها ... عاليا : حور تاني يا فارس انت مبتزهقش من الموضوع ده ... فريده : وفيها ايه يعني يا ماما مالها حور مش بني ادمه هي دي الي فارس اختارها وبيحبها احنا مش هنقف قصاده .... عاليا : انتوا حريين اعملوا الي تعملوه مدام دي راحتك خلاص انت حر بس مترجعش تشتكي وتقول حاجه ... فارس : طيب جهزو نفسكم بقي عشان هنكتب الكتاب قريب خلاص ... فريده : بجد يا فارس اخيرا هشوفك عريس قبل ما امشي انا الفرحه مش سيعاني ..... فارس : وانتي يا ماما مش هتقوليلي مب**ك ... عاليا : الف مب**ك يا حبيبي مدام انت مبسوط انا هكون مبسوطه .... فارس : بالمناسبه الحلوة دي هحجزلك انتي و بابا اسبوع في المالديف تتصالحوا هناك اكون انا رتبت اموري واحدد معاد كتب الكتاب .... انا هروح دلوقتي اقابل حور عشان افرحها لأنها متعرفش اي حاجه .... مشي فارس و راح متصل ب حور و قالها انه عاوز يقا**ها ضروري .... قابلته حور و اخدهها في العربية و طلع عالشركه ومسك حور من ايديها و دخل بيها الشركه و بلغ كل الشركه ان هو و حور اتخطبوا عشان ميحسسش حور ان في حد ممكن يعارض علاقتهم وقال قدام العالم كله انه بيحبها و مش بيحب حد غيرها ... عدا الوقت و اسما بقت تتعالج عند دكتور نفسي عشان هي مريضه ب حب فارس لدرجه الجنون ... كريم سافر بره و بعد عن كل ده ... عاليا و جوزها رجعوا لبعض بقوا كويسيين مع بعض و رجعوا اتصالحوا ولموا شمل البيت من تاني و عاليا بدأت تتقبل حور واحده واحدة لأنها قربت تبقي مرات ابنها ... فارس الفرحه مكنتش سيعاه و كان بيعمل كل حاجه عشان يفرح حور خدها و عملها مفجأه في مكان كان كاتبلها في السما بقول لكل العالم كله بحبك يا حور و عمري ما حبيت حد غيرك تقبلي تعيشي العمر كله معايا ..... حور اول ما شافت الكلام ده قعدت تعيط و مكنتش مصدقه نفسها و راحت حاضنه فارس وقالته : بحبك يا فارس من اول مرة شوفتك فيها وانت اول و اخر حب ليا هنكمل عمرنا كله مع بعض و مفيش حاجه هتقدر تبعدنا تاني عن بعض .... فارس شالها و قعد يلف بيها و قعدوا يضحكوا ... النهاية قولولي رأيك

Free reading for new users

Scan code to download app

App Store Google Play

Facebookexpand_more