في قلوب العاش*ين البارت الاول من الجزء الثاني

2117 Words

حور كانت الفرحه مش سيعاها ومش مصدقه اللي بيحصل اخيرا هي وفارس هيبقوا مع بعض طول العمر ..... مامته بدات تتقبلها لكن في حاجه جواها بتقول لها ان دي ما تنفعش تبقى مرات ابنك وانه لازم ياخذ واحده من عيله كبيره زيهم ولو الناس عرفت هي اصلها ايه وانها كانت بتشتغل عندهم هياكلوا وشها كانت مبينه لفارس انها بدات تتقبل حور عشان ما يبقاش متضايق منها ..... الساعه كانت تسعه الصبح وفارس بيجهز نفسه عشان يروح على الشغل صحي من النوم كانت فريده قاعده تحت وبتقوله انتوا هتجهزوا الخطوبه امتى عشان انا خلاص قربت اسافر وعاوزه احضر خطوبتك قبل ما امشي .... فارس : هاشوف حور كده واتفق معاها وبعد كده هابقى اقول لك مامتهم جت على كلامهم وقالت لهم انتم بتتكلموا في ايه ..... ‏ فريده : ابدا يا ماما انا كنت بقول لفارس هما هيحددوا الخطوبه امتى لانى قربت اسافر .... ‏عاليا : وعلى ايه اللي استعجال يعني يا فريده سافري ولما ترجعي المره الجايه نبقى نشوف موضوع الخطوبه ده .... ‏ فريده : ازاي يا ماما الكلام ده انا هسافر وهارجع بس كمان سنه او اثنين هما هيفضلوا كل ده من غير خطوبه ولا ايه .... ‏عاليا : لازم يقعدوا فتره يتعرفوا على بعض عشان فارس ما يرجعش يندم بعد كده ويبقى متاكد من اللي هو بيعمله ..... ‏ فارس : ايه اللي انتي بتقوليه ده يا ماما انا عمري ما اندم اني حبيت حور وعارف كويس انا باعمل ايه الخطوبه هتبقى اليومين دول ان شاء الله .... عاليا : خلاص تجيبها هنا تقعد عندنا في البيت شهر قبل الخطوبه عشان تتعود على الروتين بتاعنا والعادات والتقاليد عشان بعد كده لما يجي ناس من الطبقه بتاعتنا وتتقابل بيهم لازم كويس تبقي عارفه هي بتتعامل مع مين ومناسبه مين .... ‏فارس : ليه يعني يا ماما وهي اصلا ما لها بالناس دول وهتتقابل معاهم ليه ..... ‏ عاليا : افرض حصل اي مناسبه او حتى عزاء لما تتقابل مع الناس اللي شبهنا يقولوا علينا ايه انا مش هاسمع اي كلمه من اي حد عشان خاطرك انت والست حور بتاعتك مش كفايه اني موافقه على الجوازه دي ده انا مقهوره عليك ..... ‏فارس : ليه كده بس يا ماما على فكره انتي لما تقعدي مع حور وقت كبير هتحبيها جدا و انتي بنفسك هتقوليلي اني ما اسبهاش وعلى العموم انا هاكلم حور وهاعرض عليها اننا نستضيفهم عندنا في البيت .... ‏ هنا : اكيد مامتها مش هتوافق انها تيجي لوحدها تقعد معانا في البيت ..... ‏ عاليا : مش هتوافق طب ما هي كانت سايباها جايه قاعده عندنا بتشتغل اشمعنى المره دي مش هتوافق ..... ‏ فريده : بصت لمامتها وقالت لها الوضع المره دي مختلف يا ماما وبعدين اوعي تجيبي سيره دي قدامها عشان ما تجرحيهاش بالكلام حرام عليكي عاليا : هو انا اتكلمت دلوقتي ولا فتحت بقى انا باتكلم مع عيالي وايه المشكله يعني لما مامتها هتوافق انها تيجي تقعد معانا هنا عشان تتعود على العادات والتقاليد بتاعتنا ..... ‏ فارس : ان شاء الله يا ماما اوعدك اني هاقول لها على الموضوع ده بس لما ابقى فاضي لان النهارده عندي شغل كتير جدا في الشركه ..... ‏ فارس راح جهز نفسه وراح على الشركه عشان بقاله كام يوم مشغول وهو رايح كلم حور في التليفون .... ‏حور : ازيك يا فارس عامل ايه ... ‏ فارس : انا كويس الحمد لله حور انا كنت عاوزه اكلمك في موضوع كده ...... ‏حور :انا مش هينفع اسيب الشغل يا فارس لان انا بصرف على امي وابويا واخواتي معلش مش هاقدر اسيب الشغل ..... ‏فارس : هاد*كي المرتب اللى بتاخديه وزياده بس انا مش عاوز اعرف ردك للشغل واحد يبصلك وانا مش ها استحمل ان حد يبصلك بعينه يا حور انا عاوزك تفهميني .... ‏حور : انا اسفه يا فارس مش هاقدر اخذ منك فلوس لان انا مش متعوده على كده وكل الناس هتقول اني طمعانه فيك انا مش هاقدر اخذ فلوس حاجه انا ما تعبتش فيها ..... ‏ فارس : ايه اللي بتقوليه ده يا حور احنا ما فيش بيننا اي كلام من ده ارجوكي تفهميني خلاص ايه رايك تيجي تشتغلي معايا في الشركه وتبقى قدام عيني وساعتها هابقى مطمن ..... ‏حور : طيب سيبني افكر بقى في الموضوع ده فارس : في موضوع انا اللي عاوز اقولهولك ماما طالبه انك تيجي تقعدي معانا في البيت شهر قبل الخطوبه .... ‏حور : ليه يعني و هي مامتك عاوزاني اعمل كده ليه ..... ‏فارس : انا مش عارف يمكن عاوزه تعلمك الطبيخ مثلا ..... ‏حور : بطل هزار يا فارس وقوللي مامتك عاوزاني اجي اقعد معاكم ليه ..... ‏فارس : عاوزاكي عشان تيجي تقعدي معانا وتاخذي علي جو البيت و تاخذوا على بعض انتم الاثنين ما انتي هتعيشي معاها في نفس البيت حور : انا مش مرتاحه للموضوع ده خالص وبعدين انا لو قلت لاهلي كده مش هيوافقوا اصلا انت عارفاني عاداتنا وتقاليدنا ما ينفعش فيها الكلام ده يعني ايه اروح اقعد في بيت خطيبي وبعدين ده احنا اصلا لسه ما عملناش الخطوبه هو احنا مش هنحدد الخطوبه ولا ايه يا فارس عشان ماما بتسالني .... ‏فارس : لا طبعا ها نحددها في اسرع وقت بس ماما شرطها الوحيد انك تيجي تقعدي معانا في البيت شهر وبعد كده هنتجوز على طول ..... ‏حور : طيب انا هاشوف ماما و هرد عليك عشان موعدكش في حاجه مش هاقدر اعملها ..... ‏ فارس : ماشي يا حبيبتي شوفي هتعملي ايه وكلميني ..... ‏قفلت حور مع فارس وراحت عند مامتها الاوضه حور : ماما انا عاوزه اتكلم معاكي في موضوع كده ممكن تيجي جوه معايا عشان اقولهولك دخلت مامت حور مع بنتها .... ‏ مامت حور : خير يا حور في ايه انتي زعلانه انتي وفارس ولا ايه ...... ‏حور : لا يا ماما الموضوع مش كده خالص فارس كان بيكلمني من شويه وقال لي انه عاوز يحضر الخطوبه لكن مامته شرطها الوحيد انه لازم اروح اقعد معاهم قبل الخطوبه شهر في البيت عشان ناخذ على بعض واخذ على الجو بتاعهم بس انا قلتله انك اكيد مش هتوافقي انا قلت اقول لك برده واشوفك هتعملي ايه .... ‏مامت حور : بصي يا بنتي انا عمري ما قلتلك تعملي ايه انت لو شايفه ان كده صح روحي بس انتي برده لازم تعرفي ان مفيش واحده مخطوبه بتروح تقعد في بيت خطيبها من قبل ما يتجوزها. ‏حور : هي مامته شكلها عاوزه تبوظ الموضوع يا ماما عشان كده عملت كده طيب انا ها رفض وخلاص واشوفها هتعمل ايه .... ‏وهما قاعدين يتكلموا تليفون حور رن ..... ‏ فريده كانت بتتصل بيها .... ‏ فريده : ازيك يا حور عامله ايه وحشتيني ... ‏ حور : انا كويسه يا فريده انتي عامله ايه وادم عامل ايه ..... ‏فريده : انتم مش عارفين تحددوا الخطوبه كل ده انا قربت اسافر ومش عاوزه امشي غير لما احضر خطوبتكم .... ‏حور : اعمل ايه طيب يا فريده اد*كي شايفه المشاكل ... ‏فريده : عرفتي اللي ماما قالته لفارس ... ‏حور : ايوه لسه كان بيكلمني دلوقتي وقال لي انا طبعا اهلي مش هيوافقوا اني اعمل حاجه زي دي وانا كمان يا فريده مش هوافق انتي شايفه ان اللي مامتك بتعمله ده صح ... ‏فريده : انا مش عارفه والله يا حور ماما بتفكر ازاي بس قدري ظروفها هي كانت عاوزه تجوز فارس لبنت عمنا وفجاه اختارك انتي وهي ما كانتش تعرف الكلام ده بس معلش تعالى على نفسك لان ماما منشفه دماغها وقايله انها مش هتوافق ب الجوازه دي غير لما تيجي وتقعدي معانا هنا في البيت شهر ولو عاوزاني انا اجي بنفسي واتكلم مع اهلك انا هاجي وهافهمهم وهتبقى قاعده معايا في الاوضه بتاعتي كمان وهخلي بالي منك والله يا حور ما تقلقيش ... ‏ حور : طيب يا فريده سيبيني دلوقتي و هاشوف هاعمل ايه وهاكلمك ..... ‏ ‏قفلت حور مع فريده ومامتها قالت لها قالتلك ايه يا بنتي ... ‏حور : قالتلي نفس الكلام بتاع فارس يا ماما انا ما بقتش عارفه اعمل ايه انا هانزل دلوقتي يا ماما عشان ديما قايلالي من امبارح انها عاوزه تقابلني عاوزه انزل اشوفها عشان هي وحشتني جدا ..... مامت حور : ماشي يا بنتي و ابقى فكري في الكلام بتاع مامت فارس ده وابقى شوفي هتعملي ايه وقوليلي هتعملي ايه .... ‏حور جهزت نفسها ونزلت عشان تقابل ديما اول ما وصلت ديما سلمت عليها وقالت لها بقى كده برده يا حور كل ده ما تجيش ولا تقابليني .... ‏حور : والله غصب عني يا ديمه طمنيني عليكي عامله ايه .... ‏ ديما : انا كويسه الحمد لله . ‏ حور : وانتي عامله ايه طمنيني عليك وعلى احمد ديما : تعبانه قوي يا حور والحمل لسه في اوله ما كنتش اعرف ان الموضوع صعب قوي كده ومن ساعتها وعا** متغير معايا كنت فاكره انه هيفرح بالحمل لكن لما لقاني مش مهتميه بنفسي وعلى طول تعبانه حاسه انه اتغير .... ‏حور : دي فتره وهتعدي ولما تخلفي ويبقى النونو في حضنك هتبقى فرحانه جدا ومش مصدقه نفسك اسمعيني انا ..... ‏ ديما : يا رب يا حور فعلا هو ده اللي يحصل عشان انا خايفه اني علاقتنا تدمر بسبب الحمل ده المهم طمنيني انتي عليكي وعلى فارس حددتي الخطوبه ولا لسه ..... ‏حور : لا طبعا لسه لحد محددناش اي حاجه ومامته واقفه في الموضوع شكلها عاوزه تبوظ الموضوع بس انا اعذرها لانهم من طبقه غير الطبقه اللي انا منها خالص هي اكيد مش موافقه عليا .... ‏ديما : ما تقوليش كده يا حور هي مهما تلف عمرها ما هتلاقي واحده طيبه ونقيه زيك انتي يا حور مفيش منك والله انا لو لفيت الدنيا كلها مش هلاقي صاحبه زيك بس انتي شكلك متضايقه في حاجه مضايقاكي ولا ايه .... ‏ حور : مامت فارس عامله شرط قبل الخطوبه اني اروح اقعد معاهم في البيت لمده شهر وهو ده شرطها الوحيد عشان الخطوبه تتم وانا مش عاوزه اعمل كده احنا مفيش حد عندنا بيروح يقعد في بيت خطيبه خالص ممكن يكون الوسط بتاعهم كده بس احنا مش كده يا ديما انتي فاهماني ولا لا ديما : فاهماكي طبعا مامت فارس دي شكلها مش سهله خالص هي بتعمل كل ده عشان تبوظ الجوازه على فكره بس انتي لازم تطوعيها عشان تبيني انك هاتراضيها بعد الجواز ومش هتبقى عليها منك هي بس بتشوفك هتوافقي علي كلامها ولا لا ولو موافقتيش هتقف في الجوازه وتقعد تتلكك و تقول لفارس هو ده شرطي الوحيد واكيد فارس بيحب مامته ومش هيعوز يزعلها حاولي تتكلمي مع اهلك انك تروحي تقعدي هناك انتي هتقعدي في بيت كبير معززه مكرمه وهترتاحي شويه بعيد عن الش*ي والشغل اللي كنتي فيه .... ‏حور : واهلي بقى مين اللي هيصرف عليهم انتي عارفه كويس اني بشتغل وبصرف على اهلي واخواتي عايزين مصاريف وبابا عاوز علاج وماما ست كبيره يعني انا هاروح لوحدي ومين اللي هيصرف على اهلي .... ‏ديما : خلاص اعملي شرط انك تيجى انتي واهلك عندهم في البيت .... ‏ حور :انتي بتقولي ايه يا ديما هيجي عندهم في البيت ازاي يعني يعني اروح اقوله انا هاجي و هاجيب اهلي كلهم معايا مامته تقول عليا ايه حتى لا طبعا انا مش عاوزه ابقى بالاسلوب ده معاها من اولها كده وافرض نفسي واهلي عليه انا يا ديما عندي عزه نفس ما انتي عارفاني كويس هو انا هاقولك ..... ‏ ديما : بس في حاجه برده اسمها اصول وما ينفعش واحده تروح تقعد مع خطيبها في نفس البيت لوحدها من غير اهلها انا قلتلك رايي و شوفي هتعملي ايه وقوليلي .... ‏ حور : انا والله محتاره خايفه ارفض مامته هتقفلنا في الموضوع و مش هتوافق خالص وانا مش عاوزه فارس يضيع من يدي انا بحب فارس جدا يا ديما .... ‏ ديما :انتي فكرتيني بايام زمان عا** برده كان مستواه اعلى من مستويا بكثير ومامته قعدت عملالنا في مشاكل قبل ما نتجوز بس الحمد لله كل حاجه عدت كنت عايشه معاهم في نفس البيت لكن انا اللي قررت انفصل عنهم بسبب كثرت المشاكل وانا بعيده حسيت اني مرتاحه اكثر انتي هتقعدي فين صحيح ...... حور : ما هو ده اللي مخوفني انا هقعد معاهم في نفس البيت ومامته مش هتسبني في حالي بس اللي مصبرني ان باباه كويس جدا وبيحبني واكيد هيقف لها لو عملتلي اي حاجه المهم انتي احكي لي عامله ايه مع عا** النهارده طيب لسه برده متخانقين ...... ‏ديما : مش موضوع متخانقين موضوع اني حاسه ان عا** اتغير من ساعه الحمل ده كنت فاكراه هيشيلني من على الارض شيل انا حاسه انه زهقان مني ومش طايقني انا تعبانه جدا يا حور .... ‏حور : طيب تحبي اكلمه واقوله لو في حاجه مضايقاه يحكيهالي وانا اكيد هاجي اقولك .... ‏ديما : يا ريت يا حور كلميني انتي عارفه انا مش باثق في اي حد غير فيكي انتي واكيد عمري ما هاسيبك من اي صاحبه انها تكلموا غيرك لاني عارفه كويس انت بتتعاملي معاه على انه اخوكي الكبير لواي وصاحبه ثانيه مش عارفه ممكن تعمل اي حاجه ..... من ورايا انا حصلي مواقف كثير من اصحابي لو فاضيه اقعد احكيهالك ..... حور : انا النهارده مفضيالك نفسي خالص ومش رايحه في اي حته وقلت لماما اني هقضي اليوم كله معاكي ..... وهم قاعدين يتكلموا تليفون حور رن ....

Free reading for new users

Scan code to download app

App Store Google Play

Facebookexpand_more