في قلوب العاش*ين البارت الثامن من الجزء الثاني

1169 Words

اسما : انتي بتقولي ايه يا طنط عاليا هو فارس هيتجوز حور ازاي الكلام ده هو اتجنن ولا ايه هو حضرتك ازاي تقبلي في حاجه زي دي .... عليا : مين قالك اني موافقه انا عمال اجريه في الكلام عشان ما يعملش حاجه من ورايا لكن انا طبعا مش موافقه ... ‏ اسما : بقى سابني انا عشان يتجوز واحده بتشتغل في البيوت هو مش عارف هو ابن مين ولا ايه انتي لازم تخلصي الموضوع ده في اقرب وقت و ما تسبيش ابنك لحظه واحده .... ‏عاليا : انا عاوزاكي تساعديني يا اسما انك تدخلي حياه فارس تاني و تحببيه فيكي اوعي تخليه يضيع من ايد*ك حاولي تخلصي المشاكل بتاعتكم وتتكلمي معاه .... ‏اسما : انا حاولت كثير جدا اتكلم معاه لكن هو مش قابل مني اي كلام وما بيردش عليا اصلا انت شايفه منظري عامل ازاي .... ‏خلاص انا هاحاول اقا**ه في الشركه واتكلم معاه شويه عشان اشوفه هو عمل كده ليه انا فعلا غلطت ب اللي بعمله ده لكن هو ما ينفعش يسيبني فجاه كده ويروح يتجوز حتة شغاله انا مش هاسيبهولها .... ‏طلعت اسما تليفونها واتصلت بفارس لكن هو كالعاده ما كانش بيرد وكان قاعد مع حور .... ‏حور لمحت الاسم بتاعها على تليفونه ... ‏ حور : هو انتم لسه بتتكلموا لحد دلوقتي . ‏ فارس : لا طبعا هي بتتصل بيا على طول بس انا ما بردش عليها ... ‏حور : طيب ما ترد وتشوفها عاوزه ايه يمكن في حاجه ... ‏فارس : هتقعد تعيط وتقول لي انها عاوزه تقابلني وانا مش عايز اكلمها ولا عايز ارد عليها سيبك منها اهم حاجه انتي دلوقتي انا هامشي اروح الشركه دلوقتي عشان اتاخرت قوي وبقالي كام يوم ما بروحش انتي عاوزه اي حاجه .... ‏حور : عاوزه سلامتك ابقي طمني عليك لما توصل فارس نازل راح على الشركه وما كانش يعرف ان اسما كانت مستنياه هناك وهو ما كانش عاوز يقا**ها اول ما فتح باب المكتب بتاعه لقاها قاعده وكانت عماله تعيط وشكلها متغير خالص .... ‏ فارس : خير يا اسما عاوزه ايه وايه اللي انتي عاملاه في نفسك ده .... ‏اسما : يعني انت مش عارف انا عاوزه ايه انا باكلمك بقالي قد ايه ومش بترد عليا ليه يا فارس كل ده هي غلطه واحده ومش هتتكرر تاني ... فارس : انا الموضوع ده بالنسبالي منتهى ومش عاوز افتح الموضوع ده تاني لو سمحت امشي من هنا لو عاوزه ترجعي الشغل مكانك موجود لكن ما تكلمنيش في اي حاجه تاني انت بنت عمي وكل حاجه لكن الموضوع بتاعنا ده انتهي خلاص .. ‏اسما : يعني انت بتسيبني يا فارس عشان حته شغاله ولا راحت ولا جت والله ما هخليك تتهني يوم معاها انا ضيعت عمري كله عشانك كنت باعمل اي حاجه عشان ارضيك وفي الاخر تسيبني وعاوز تتجوز اللي اسمها حور دي قد كده انت ساذج وهي قدرت تضحك عليك والله يا فارس ما هاسيبك بسهوله كده .... ‏فارس : ياريت ما تدخليش في حاجه متخصكيش و مالكيش دعوه بحياتي وانا عارف كويس مين اللي قالك الكلام ده وانا ليا كلام ثاني مع ماما خليكي بقى قاعده في المكتب لوحدك انا غلطان اصلا ان جيت الشغل لو كنت اعرف انك موجوده ما كنتش جيت هنا خالص ... ‏فارس سابها وطلع بره ونزل راكب عربيته وبعد كده روح على البيت لقي عاليا قاعده تحت . ‏فارس : انتي طبعا يا ماما اللي كلمتي اسما وخليتيها تجيلي على المكتب هو انتي فاكره بعمايلك دي انا هارجع اكلمها من تاني يعني انتي عاوزاني ارجع لها بعد كل اللي هي عملته فيا ... عاليا : انا مش فاهمه انت بتتكلم عن ايه بالضبط يا فارس اسما ايه اللي كلمتها انا ما كلمتهاش ولا شفتها بقالي كثير جدا ... ‏ فارس: يعني انت عاوزه تعرفيني انها عرفت موضوع حور من نفسها اكيد انتي طبعا اللي رحتي حكيتلها كل حاجه هي مش هتجيب الكلام ده من دماغها ... ‏عاليا : انت واحد دماغك تعبانه وبقيت تتصرف تصرفات غريبه وانا هاروح اكلم اسما اقول لها على الموضوع بتاع حور ليه هاروح افضح نفسي يعني ولا عمك يعرف وتبقى فضيحه وبعدين لما تتكلم معايا اتكلم باحترام انا امك مش واحد صاحبك وطلعني من مواضيعك دي كلها .... ‏فارس : انا فعلا هطلعك من المواضيع دي كلها وخطوبتي على حور هتبقى في اقرب وقت ... ‏عاليا : وانا قلتلك مفيش حاجه هتتم غير بالشرط بتاعي لو هي فعلا عاوزاك هتوافق على الشرط اللي انا قلتلك عليه لكن بقى لو مش عاوزاك فهي حره افتح معاها الموضوع ده النهارده ورد عليا طلع فارس فوق على الاوضه بتاعته لقي تليفونه بيرن حور بيتكلموا بتطمن عليه ... ‏ فارس : ازيك يا حور عامله ايه .. ‏حور : كويسه طمني عليك وصلت الشركه ولا لسه فارس : لا انا روحت البيت عشان تعبان شويه ... حور : مال صوتك يا فارس شكل في حاجه مضايقاك .... ‏فارس : لا ابدا مفيش اي حاجه كل الموضوع اني تعبت شويه وروحت البيت .. ‏ حور : بس انا حاسه انك مخبي علي حاجه فارس: بصراحه رحت الشركه الشركه من شويه ولقيت اسما مستنياني هناك عاوزه تتكلم معايا لكن انا مشيت وسبتها عشان كده روحت على البيت ما كنتش عاوز اقولك عشان ما تضايقيش بس في نفس الوقت مش عاوز اخبي عليكي حاجه ... ‏حور : ومين قالك اني اتضايقت منها ما انت لو كنت عاوز ترجعلها كنت هترجعلها بكل سهوله لكن انت فضلتني عنها طيب انت هتعمل ايه دلوقت وهي كانت عاوزاك في ايه ... ‏فارس : كانت عاوزه تتكلم معايا في الموضوع بتاعنا بس انا مش هاديها فرصه ولا عاوز اتكلم معاها ولا اشوف وشها اصلا ... ‏حور : تعرف انك كل ده ما قلتليش انت سبتها ليه فارس : انا مش عاوز افتح الموضوع ده تاني يا حور ما تزعليش مني بس مش عاوز اجيب سيرتها تاني .... ‏حور : براحتك يا فارس انا كنت باكلمك عشان اقولك اني هاروح بكره الشغل الصبح بدري عشان ما تقلقش عليا بس ... ‏فارس : انا كنت عاوز افتح معاكي موضوع كده حور : موضوع ايه .. ‏ فارس : ماما عاوزاكي تيجي تقعدي معانا هنا في البيت قبل الخطوبه شهر عشان تتاقلمي على الجو اللي هنا .... ‏ حور : تقصد انها عاوزاني اجي عشان اتعلم الاتيكيت منكم بس ماما مش هتقبل بحاجه زي دي ... ‏فارس : انا مش بجبرك على حاجه يا حور انا باقول لك اللي ماما قالتهولي ... ‏حور : وهي ازاي تقول لك حاجه زي دي يا فارس اصلا ما يصحش اروح اقعد في البيت عند اهل خطيبي وبعدين هاسيب ماما واخواتي في البيت لوحدهم ازاي .... ‏ فارس : ما هي ماما قالت انهم يجوا يقعدوا معاكي هنا البيت كبير وهنفضلكم اوضه ما تقلقيش ... ‏ حور : لو سمحت ما تفتحش الموضوع ده تاني معايا عشان مش هينفع انفذها ... ‏فارس : براحتك يا حور انا قلت اقول لك على الكلام اللي ماما قالتهولي .. ‏قفلت حور مع فارس وقعدت تفكر وتقول مع نفسها انا اكيد الموضوع كده مش هينفع معاها وكده مامت فارس بدات انها تبعده عنها وهي قاعده تفكر لقيت تليفونها بيرن رقم غريب يتصل بيها جت ترد لقيت اسما بتكلمها اتصدمت وما بقتش عارفه ترد عليها وتقول لها ايه يتبع ....

Free reading for new users

Scan code to download app

App Store Google Play

Facebookexpand_more