في قلوب العاش*ين

في قلوب العاش*ين البارت الثالث والعشرون

في قلوب العاش*ين

البارت الثالث والعشرون

بقلم / غادة سعيد

حور : اتفضل يا استاذ عا** خير ...

عا** : حور انا عاوزك تقعدي في البيت و مرتبك هيوصلك اول كل شهر انا مش عاوزك تتبهدلي في الشغل و تنزلي كل يوم حد يضايقك زي ما حصل النهاردة ...

حور : ايوة و انا هاخد من حضرتك مرتب علي اساس ايه من غير ما اشتغل ... مينفعش طبعا يا مستر عا** .

عا** : حور انا مش قصدي اضايقك بس انا ... انا مش عارف اقولك ايه ولا افهمك ازاي حور انا بحبك و عاوز اتجوزك بس هو ده الموضوع ...

حور : بتحبني انا .. وتتجوزني ازاي هو حضرتك مش متجوز انا لسه شايفه مراتك النهارده ...

عا** : جواز شرعي و هيبقي ب علم زوجتي انا مش هعمل حاجه غلط خالص انا هتجوزك قدام الناس كلها انا مراتي بتتحايل عليا اتجوز لأن هي عندها مشاكل في الخلفه بس انا مش بوافق ... كنت مستني الإنسانه الي تشدني بعد ديما لحد ما لاقيتك من اول يوم اشتغلتي فيه و انا كل تفكيري فيكي و بس يا حور ...

حور : تقوم تتجوز عليها بجد مهي لازم تقولك اتجوز عشان تبقي خلصت ضميرها و انت المفروض من نفسك تقولها لا ... انا اسفه يا استاذ عا** انا مش هبني سعادتي علي تعاسه واحده تانيه ... حضرتك الف واحده تتمناك انا نفسي محلمش ان حد زيك يبصلي بس لو كنت في ظروف غير دي مكنتش اترددت لحظه و كنت وافقت من غير تفكير ...

عا** : ولا يهمك يا حور انا بحترم رأيك بس لو الموضوع موضوع ديما فا انا ممكن اخليها تكلمك بنفسها تقولك انها موافقه علي جوازنا ...

حور : انا اسفه يا مستر عا** المبدأ نفسه عندي مرفوض للأسف مش هقدر اعمل كده ضميري ميسمحليش اعمل كده ... فضل عا** ساكت طول الطريق و وصلها لحد البيت و نزل من العربية خد الشنط و طلعهلها ل حد باب الشقه و مشي من غير ولا كلمه خالص و كأنه مقلهاش اي حاجه ...

دخلت حور عند مامتها و باباها بالشنط ...

_ ايه يا بنتي الي جيباه ده كله بس انت صرفتي كل الفلوس الي معاكي يا حور ...

= لا يا ماما الحمد لله ربنا كرمني بالشغل ده غير البقشيش بتاع الزباين الحمد لله والله ربنا كريم و مستر عا** بيعاملني احسن معاملة كتر خيره . طمنيني علي بابا عامل ايه دلوقتي ...

_ الحمد لله كويس يا بنتي ..

= هو لسه زعلان مني برضو يا ماما ..

_ لا الحمد لله هدي شوية مش زي الاول طبعا انتي ابقي اقعدي اتكلمي معاه و فهميه بالراحه برضو عشان ميبقاش زعلان منك ...

= حاضر يا ماما هدخل اغير هدومي و اطلع اقعد معاكم ونتغدي مع بعض . دخلت حور تغير هدومها لقت آية بتكلمها عالتليفون ردت عليها ...

_ الو .. ازيك يا حور عاملة ايه روحتي البيت ولا لسه ..

= ايوة روحت يا آية خير هو فيه حاجه ...

_ اصلي شوفتك راكبة مع مستر عا** العربية يعني فا استغربت قولت اسألك انتي ركبتي معاه ليه كان فيه حاجة ....

= لا ابدا هو شافني معايا شنط كتير كتر خيره طلب انه يوصلني عشان كانت الشنط تقيله اوي ...

_ طيب مهو علي طول بيشوفني بشنط كتير عمره ما قالي اوصلك ... وبعدين الناس في المكان ملاحظين انه مهتم بيكي زياده عن اللزوم انتي مش ملاحظه الموضوع ده ... الناس بدأت تتكلم عليكي يا حور وانا مش عاوزه حد يجيب سيرتك ...

= ايوة يعني انتي عوزاني اعمل ايه دلوقتي يا آية اسيب الشغل خالص ولا انتي عاوزه ايه بالظبط ....

_ انا مش قصدي حاجه بس انا قولت الفت نظرك بس ..

قفلت حور التليفون مع اية و اتعصبت جدا من المكالمة بتاعتها و مبقتش عارفه تقول الكلام ده ل عا** ولا تسكت و خلاص .. هي حتي مش عارفه هتقول ايه ل عا** اصلا و كده ممكن تعمل مشكلة ل اية في شغلها .

قررت انها هتسكت كأنها مسمعتش اي حاجة ... فارس كان بيعيش اصعب اوقات حياته من غير حور و بعد عن الناس كلها حتي مامته بقي قافل علي نفسه علي طول الاوضه و مش بيتكلم مع حد ... فيوم باباه جالهم البيت زي ما وعدهم و فريدة حاكيتله ان فارس نفسيته تعبانه جدا و مش بيكلم حد ولا بيشوف حد خالص جه قعد يتكلم معاه عشان يخرجه من ال هو فيه شوية ...

_ مالك يا واد انا عمري ما شوفتك في الحاله دي انا نفسي اوي اشوف البنت الي عملت فيك كده ...

= تشوفها فين يا بابا خلاص مبقناش نتكلم ولا هنتكلم تاني و معرفش حاجه عنها و مينفعش اتصل بيها تاني .

_ طيب وهتعمل ايه دلوقتي انا زعلان عليك و انت في الحالة دي انا مش متعود عليك وانت كده انشف كده يا واد و عيش حياتك مفيش واحده تستاهل ...

= بس دي مش اي واحده يا بابا حور دي مفيش زيها ... بس انا لازم اعيش حياتي انت عندك حق فعلا انا هكلم اسما و نتصالح انا و هي انا لازم اكمل حياتي تاني مش هفضل كده كتير ....

_ عين ال*قل يا حبيبي الدنيا مش بتقف علي حد وبعدين انا فين من ده كله مش هتصالحني علي امك ولا ايه انا عاوز استقر و ارجع اعيش معاكم ....

= حاضر سيب الموضوع ده عليا انا و فريده و هخلصهولك النهاردة بس سيبني انا دلوقتي هتصل ب اسما اشوف الموضوع ده معاها .... عشان بقالها كام يوم بتتصل بيا وانا قولتلها لما ابقي كويس هبقي اكلمك .....

_ ماشب انا هروح اشوف فريده و ادم دلوقتي و انت شوف هتعمل ايه وابقي انده عليا قولي عملت ايه ....

راح فارس اتصل ب اسما ...

فارس : ازيك يا اسما عاملة ايه ... انا بقالي كام يوم كده نفسيتي تعبانه وقولتلك هكلمك لما اروق كنتي عاوزه ايه بقي ...

اسما : انا نفسيتي تعبانه اكتر منك يا فارس انا هتجنن عليك و مش عارفه اعمل ايه مش عارفه اوصلك ازاي و انت مش بترد علي مكلماتي .... انا عاوزه اقابلك نقعد نتكلم مع بعض انت وحشتني اوي ....

فارس : ماشي يا اسما نتقابل بكرة ونقعد نتكلم هبقي اكلمك بكرة اجي اخدك ونتكلم شويه مع بعض ...

اسما : بجد يا فارس انا فيه كلام كتير اوي لازم اقولهولك

يتبع