في قلوب العاش*ين

تخطيط وتدبير

اسما كانت قاعده تتكلم مع عاليا ومستنيه تعرف يا ترى ايه هي الحاجه اللي ممكن تعملها وتبعد حور عن فارس بشكل نهائي .. اول حاجه سالتها وقالت لها : هو انتي ناويه تعملي ايه بالضبط يا طنط عاليه ..

عاليه : انا ناويه اتفق مع الدكتور اللي هنا في المستشفى يقولهم اني عندي مرض خطير والزعل وحش جدا عشاني .. ولو زعلت او اي حاجه حصلت تزعلني ممكن اموت او يجرالي حاجه .. اسما: بعد الشر عنك يا طنط عاليه لا طبعا ما تقوليش كده على نفسك .

عاليه : خلاص يا اسما مفيش حل ثاني غير ده انا فكرت كثير وانا قاعده في المستشفى هنا خصوصا ان الدكتور اللي هنا معرفه قديمه ويقدر يساعدني كويس لو حكيتله هيتفهم الموضوع لان احنا عيلتنا عيله كبيره جدا واكيد لما افهمه اقوله هو عاوز يتجوز مين هيساعدني وهيقف معايا .

‏اسما: طيب هتتكلمي معاه امتى .

‏فجاه الباب خبط والدكتور دخل .

‏ عاليه : بعد اذنك يا اسما سيبيني اتكلم مع الدكتور شويه الدكتور كان مستغرب جدا يا ترى هي عاوزاه في ايه .

‏دكتور طارق : خير يا مدام عاليه في حاجه ولا ايه الخدمه في المستشفى هنا مش عاجباكي عاليه : لا طبعا بالع** دي احسن مستشفى موجوده في المكان انا عاوزه اتكلم معاك في امر شخصي جدا .

‏دكتور طارق : تتكلمي معايا انا تتكلمي معايا في ايه خير يا مدام عاليه .

‏عاليه قعدت تعيط وتحكيله على موضوع حور وفارس وقالتله كمان انت عارف حضرتك طبعا احنا العيله بتاعتنا تبقى مين وعارف كويس لو ابني اتجوز بره العيله هيبقى منظرنا عامل ازاي خصوصا هو عاوز يتجوز واحده كانت بتشتغل عندنا قبل كده انت هترضى الكلام ده على ابنك الدكتور سكت وقال لها طيب حضرتك ممكن تتكلمي معاه وتفهميه بهدوء .

‏ عاليه : انا اتكلمت معاه كتير جدا لكن هو ما بيسمعش مني ارجوك يا دكتور طارق انا عاوزك تساعدني في الموضوع ده مفيش حد غيرك هيقدر يساعدني .

‏دكتور طارق : اؤمريني يا مدام عاليه اللي انتي عاوزاه انا هاعملهولك .

‏ عاليه : وانت اي مبلغ محتاجه انا هاكتب لك شيك جديد دلوقت حالا بس كل اللي انا طالباه منك انك تروح تقول قدام فارس اني عندي مرض خطير والزعل وحش عشاني ولو زعلت ممكن يحصل لي اي حاجه .

‏دكتور طارق : بس كده هيبقى مسؤوليه كبيره جدا عليا انا ولو اخذ اي تحاليل وراح بيها مستشفى ثانيه وسال عليها ممكن يعرف الحقيقه وساعتها هينكشف كل حاجه وتعمليلي انا مشاكل وانا دكتور ليا اسمي وسمعتي .

‏عاليه : انا باكد لك يا دكتور طارق مفيش اي حاجه هتمسك انت كل اللي عليك انك هتقول لفارس كده بس مش عليك اي حاجه ثانيه وده شيك بنص مليون جنيه بعد ما تقوله كده وهابقى اد*ك اي مبلغ ثاني انت عاوزه .

‏دكتور طارق بص على الشيك وعينه زغللت من الفلوس وقرر انه يضيع ضميره عشان خاطر الفلوس لانه الفتره دي كان محتاج فلوس لانه بيشتري فيلا في مكان جديد وفعلا كان محتاج فلوس .

‏دكتور طارق : ماشي يا مدام عاليه انا هاعمل كده عشان خاطر حضرتك طبعا انا عارفك من زمان وعارف انكم عيله محترمه وفعلا ما تستهلوش ان ابنك يدخل عليكم واحده زي دي البيت بيتجوزها عشان سمعتكم وسط الناس .

عاليه : انا متشكره جدا يا دكتور طارق انا مش عارفه اودي جميلك ده فين عمري ما هانسا لك اللي انت عملته معايا .

‏ دكتور طارق : ما تقوليش كده يا مدام عاليه انا في خدمتك في اي وقت .

‏ اخذ دكتور طارق الشيك ونازل تحت عند فارس واول ما خرج من الاوضه اسما دخلت لعاليه بسرعه .

‏ اسما : طمنيني عملتي ايه .

‏ عاليه : كله تمام يا اسما انه يعمل اللي انا عاوزاه شفت بقى انا لما بافكر في الاخر بارجع بايه .

‏ اسما : ما انا قلت لك من الاول الموضوع ده عايز فكره من افكارك الحلوه وكل حاجه هتخلص .

‏ عاليه : دلوقت بقى هنشوف فارس هيعمل ايه لما دكتور طارق ينزل يقوله .

‏ نزل دكتور فارس قاعد عمال يحاول يكلم حور في التليفون لكن هي ما كانتش بترد دكتور طارق بعد اذنك يا استاذ فارس انا عاوزه اتكلم معاك في موضوع مهم .

‏فارس : خير يا دكتور في ايه .

‏ دكتور طارق : دلوقتي يا استاذ فارس احنا عملنا لوالدتك التحاليل والحاجات اللازمه انا كنت باقول لك الاول انها ضفتها كويس ومفيهاش اي حاجه لكن بعد ما نتيجه التحاليل طلعت الموضوع اختلف .

‏ فارس : اختلف اختلف ازاي يعني ما تفهمني يا دكتور ماما فيها حاجه والصور .

‏دكتور طارق : للاسف يا استاذ فارس ماما كانت عندها مرض نادر جدا ونسبه الشفاء منه اثنين في المئه .

‏فارس: انت بتقول ايه خلاص هسفرها بره وبعدين مرض ايه ده .

‏دكتور طارق : الصراحه هو المرض لسه ما لهوش علاج لكن مع المتابعه ان شاء الله ممكن تتحكم اهم حاجه في المرض ده اي زعل عليها او اي حاجه ممكن تعرض حياتها للخطر اوعى في يوم حد يزعلها ولا يضايقها بكلام في اي حاجه تقولها لكم اعملوها .

‏فارس : انت متاكد من الكلام ده يا دكتور طارق . دكتور طارق : حضرتك عارفني من زمان ومدام عاليه كمان عارفاني ايوه متاكد وهو ده للاسف اللي اكتشفناه .

‏ فارس اول ما سمع الكلام ده انهار بالعياط وطلع يجري على مامته ويحط لها ويقول لها مالك يا ماما فيكي ايه ايه اللي حصل لك بس ايه اللي عمل فيكي كده .

‏ عاليه : في ايه يا فارس ايه اللي حصل خير سكت وما رضيش يتكلم عشان افتكر ان الدكتور لسه ما قالهاش على اللي عندها .

‏فارس : انتي كويسه يا ماما .

‏عاليه : ايوه يا حبيبي انا كويسه انت مالك في ايه فارس : انا عمري ما هازعلك تاني واللي انتي عاوزاه انا هاعملهولك بس نخرج من المستشفى دي ونروح البيت .

‏ دخل الدكتور وهو فارس قاعد مع عليا وقال له بعد اذنك يا استاذ فارس عاوزك في كلمه ثاني مره طلع فارس بره وقال له ارجوك ما تقولهاش اي حاجه بخصوص مرضها لان اهم حاجه في العلاج النفسيه بتاعه المريض وانا هاكتب لها على ادويه تاخدها بانتظام .

‏فارس : ماشي يا دكتور شوف اي حاجه واي مبلغ انت محتاجه قول لي على طول وانا هادفعه للمستشفى .

‏دكتور طارق : اهم حاجه يا استاذ فارس نفسيه المريض المرض ده لازم نفسيه المريض تكون كويسه .

‏فارس : ان شاء الله يا دكتور هاحاول على قد ما اقدر ان محدش يزعلها .

‏ قعد فارس بره وهو حاطط ايده على دماغه ومش عارف يعمل ايه في الوقت ده باباه جيه لقاه قاعد عمال يعيط . في الوقت ده باباه جه لقاه قاعد عمال يعيط .. بابا فارس : مالك يا ابني في ايه طمني امك كويسه .. فارس : لا يا بابا ماما مش كويسه خالص ماما تعبانه جدا .. الدكتور قال لي كلام خطير جدا على الحاله بتاعتها وقال لي كمان ان ما ينفعش نزعلها خالص يا بابا .. اوع تزعل ماما في يوم من الايام وانا كمان هاحاول اعمل اللي هي عاوزاه ...

بابا فارس : انت يا ابني قلقتني جدا كده هو في ايه بالضبط اللي حصل ..

فارس : ماما عندها مرض نادر وعلاجه صعب جدا يا بابا .. الدكتور قال لي الكلام ده وانا مش عارف اعمل ايه ..

بابا فارس : انا هادخل دلوقت حالا اشوفها .. دخل بابا فارس يتكلم مع عليا ويقول لها : طمنيني عليكي يا عليا مالك انتي تعبانه ..

عاليا كانت لسه هتحكي له على الخطه اللي هي عاملاها لكن اسما بصت لها وحزرتها انها تحكي له اي حاجه .. لان جوزها بيحب حور جدا وبيحب ابنه واكيد هيروح يقول له على الخطه اللي هم عاملينها وهي سمعت كلام آسما ..

: انا كويسه يا عمر ما تخافش عليا هو شويه صداع بس هو في ايه هو انت و فارس جايين مخضوضين كده ليه ..

عمر : ابدا ما فيش حاجه احنا كل الموضوع اننا قلقانين عليكي يا عليا .. هو انت كويسه ..

عاليا : ايوه انا كويسه جدا انت اللي ما لك في ايه انت وفارس جايين ومالهوفين كده وخايفين علي هو انا هاموت ولا ايه ..

عمر : بعد الشر عليكي يا عاليه ان شا الله انا .. انتي هتبقي كويسه وان شاء الله هتخرجي من المستشفى وهتبقي كويسه ..

عاليه : بس انا حاسه اني ضغطي مش متضبط كده يا عمر فانا هابات في المستشفى النهارده لاني حاسه اني تعبانه ومش هاقدر اطلع النهارده ..

عمر : اللي انت تحبيه احنا هنعمله لك ولو عاوزه تتنقلي في مستشفى ثانيه هننقلك ..

عاليه : لا يا عمر انا مرتاحه هنا ومش عاوزه اتنقل .. قعدوا يتكلموا مع بعض وفي الوقت ده اسما خرجت تتكلم مع فارس شويه وتواسيه .. اسما طلعت لقيت فارس منهار من العياط ..

اسما : مالك يا فارس في ايه ان شاء الله طنط عاليه هتبقى كويسه ومش هيبقى فيها اي حاجه ..

فارس : مش باين يا اسما ماما تعبانه جدا والدكتور قال لي كلام خطير . انا هاقول لك على حاجه يا اسما بس اوعي تحكي لماما الكلام ده .. عشان نفسيتها ماما مريضه بمرض نادر والدكتور لسه قائل لي .. قعد يحكي لها كلام الدكتور عملت نفسها ما تعرفش اي حاجه وكان باين عليها انها مصدومه وقالت له : يا خبر ابيض طيب يا فارس ارجوك اوعى تزعلها طنط عاليه بتتاثر بالكلام كثير جدا انا لاحظت فيها الموضوع ده .. انها بتتاثر من اي كلام واي حاجه بتزعلها بتتعبها على طول ..

فارس : انا هاحاول ما ازعلهاش خالص على قد ما اقدر انتي خليكي معاها انا عارف هي بتحبك ازاي ..

اسما : وانا كمان باحبها جدا والله ما تقلقش خالص يا فارس انا هافضل جنب طنط عاليه الفتره دي اطول وقت ممكن .. اهم حاجه انت يا فارس خلي بالك منها وما تعرضهاش لاي زعل او ضغط نفسي .. وانا جنبكم ما تخافش احنا مهما كان اولاد عم مهما اختلفنا فاحنا اولاد عم وما نقدرش نستغنى عن بعض ..

فارس : عندك حق فعلا يا اسما يلا روحي .. روحي على البيت عشان الوقت تاخر جدا وما ينفعش تروحي في وقت متاخر كده ..

اسما : انا مش هاطلع من المستشفى غير مع طنط عاليه وهاروح معكم على بيتكم عشان افضل قاعده معها واخلي بالي منها ..

فارس : لا يا اسماء مش عاوزين نتعبك معنا ..

اسما : تعب ايه يا فارس اللي انت بتتكلم فيه دي طنط عاليه زيها زي ماما بالضبط .. قعدوا يتكلموا مع بعض و عمر خرج من الاوضه بتاعت عاليه وراح قال لفارس : انا خائف قوي على امك يا فارس احسن يجرا لها اي حاجه .. لو حصل لها حاجه هنعمل ايه من غيرها .. فارس : ما تقولش كده يا بابا دي كمان لسه لما فريده تعرف هتعمل ايه .. اوعي تقول لها حاجه دلوقتي خليك مخبي عليها زي ما انت مخبي على ماما بالضبط عشان فريده بتتاثر جدا بالكلام هي كمان ..

عمر : عندك حق فعلا يا ابني .. اسما دخلت عند عاليه الاوضه وهم واقفين يتكلموا مع بعض ..

اسما : ده انتي دماغك دي ايه يا طنط عاليه خطتك نجحت بجداره وفارس واقف بره عمال يعيط ويقول انا مش هازعل ماما ثاني .. ومتضايق جدا عشانك عاليه : والله انا قلبي بيتقطع عشانه زعلانه عليه عشان هو خايف علي .. بس هو اللي خلاني ما الاقيش حل غير ده .. ولو فتح معي موضوع حور ثاني هاحسسه اني تعبانه واني مش راضيه عن الموضوع وبكده بقى يا اما يختار صحه امه يا اما يخسرني ويروح يتجوز اللي اسمها حور دي .. يا انا يا هي ..

اسما : طيب هتعملي ايه في الموضوع بتاعي انا وهو هتخلينا نرجع لبعض ولا ايه ..

عاليا : اصبري بس دلوقتي سيبي الموضوع ده عليا يا اسما .. مش هتعدي السنه دي غير لما تكوني انتي وفارس متجوزين وفي بيت واحد ..

اسما : بجد يا طنط عاليه انت بتتكلمي بجد يعني انتي هتخليه يرجع لي ..

عاليا : سيب الموضوع ده علي بس اوعي تقولي اي حاجه من الخطه اللي احنا عملناها دي لحد من اهلك .. احسن يروحوا يقولوا وساعتها هتبقى مصيبه وفارس فعلا هيقاطعني وهيسيب البيت مش هيعرفني ثاني .. وهم قاعدين يتكلموا فجاه الباب اتفتح اتفزعوا هم الاثنين احسن يكون حد سمعهم ...