في قلوب العاش*ين البارت الرابع

1740 Words

في قلوب العاش*ين البارت الرابع بقلم / غادة سعيد لقت اوضه جميلة فيها سرير و دولاب صغير و غساله و شباكها بيبص عالجنينه بقت تقول ياريت اهلي كانو جنبي هنا ومعايا فالاوضه كانت هتكفينا هي صغيرة اه بس كنا هنتزنق جنب بعض بدل ما كل حد في مكان غير التاني كده ...... قعدت تفكر في حال اهلها يا ترا عامليين ايه من غيرها اخواتها راحوا المدرسه ولا مامتها كانت بتقولها راحوا وخلاص عشان متتكلمش و باباها بياخد الدوا بإنتظام ولا لا و مامتها عاملة ايه من غيرها في شغل البيت والمسؤولية ..... عينيها راحت فالنوم و صحيت والباب بيخبط عليها .... _ صباح الخير يا حور يا بنتي .... = صباح الخير يا عم عبده .... _ ايه كل ده نوم انتي مبتناميش في بيتكم ولا ايه ..... = اه والله انا محستش بنفسي خالص مع اني مش متعوده انام بره البيت خالص ...... معلش يا بنتي هتلاقيكي تعبانه طول اليوم عشان كده نمتي وما حسيتيش بنفسك يلا روحي شوفي عاليه هانم عشان بتسال عليكي بقى لها شويه وانا قلت لها اني هاروح اصحيكي من النوم ..... شكرا ليك يا عم عبده انا هغسل وشي و اغير هدومي واروح لها على طول ...... راحت حور تغسل وشها و تغير هدومها وراحت ليه عاليا هانم ..... _ ايه يا حور انتي فين كل ده ...... =صباح الخير معلش والله نمت عشان كنت تعبانه وما حستش بنفسي .... _ معلش يا حور انا كنت هاسيبك نايمه لكن احنا جاي لنا ضيوف بنتي جايه .... = ايه ده هو حضرتك مش قلتي انك ما عندكيش غير فارس بس ..... _ لا يا حور انا قلت لك انه ابني الوحيد الولد يعني لكن في فيروز اخته متجوزه وعايشه بره بقى لها حوالي سنه ما شوفنهاش لازم نجهز اكل حلو وننضف البيت عشان جايه هي وجوزها وابنها ..... = ماشي يا عاليه هانم شوفي حضرتك عايزاني اعمل اكل ايه وانا هاعمله ..... _ انا مش عارفه انا عاوزاكي تعملي لنا اكل على ذوقك انت اكلت جميل قوي وانا بثق فيه ..... = حاضر انا هشوف الطلبات واقول ل عم عبده عليها .... ما تقلقيش خالص يا عاليه هانم انا هاعمل كل حاجه مش عايزاكي تشيلي هم وان شاء الله هعملهم احسن اكل و هيعجبهم جدا ..... دخلت حور تحضر الاكل و تشوف هتعمل اكل ايه .... لقت فارس داخل علي باب المطبخ ..... بيقول لها _ لو سمحتي اديني كوبايه ميه ..... جابت الكوبايه وهي بتديها له وقعت من ايديها ات**رت قالت له ....... _ انا اسفه والله ما كانش قصدي ا لكوبايه اتزحلقت من ايدي هنضف الارض حالا و هاجيب لك واحده ثانيه ..... _ لا ولا يهمك الموضوع مش مستاهل تتاسفي وقفت حور تجهز الاكل واخيرا وصلت فريده من السفر ...... بالسلامه ..... _ اهلا اهلا ايه الغيبه الطويله دي بقي كده يا فريده بقى لي سنه ما شفتكيش .... امك ما وحشتكيش كل ده .... = غصب عني يا ماما ظروف شغل حازم ما ينفعش اسيبه انزل لوحدي لازم يسافر معايا عشان ادم متعلق بي قوي ...... _ يا حبيب تيته وحشتني قوي يا ادم اخر مره شوفتك كان عندك شهرين كبرت يا حبيبي وبقيت جميل ... =امال فين فارس يا ماما .... _فارس دخل اوضته اكيد ما يعرفش انك وصلتي اطلعي شوفيه ..... = طيب وبابا فين ... _ ابوكي احنا مبقناش نعرف عنه حاجه كل يوم يجي وش الفجر وساعات ما بيجيش اصلا انا ما بقتش اساله انت رايح فين ولا جاي منين الله اعلم بقى يمكن متجوز او زهق من العيشه معايا انا خلاص هقطع علاقتي بيه نهائي ..... = ٠٠ ايه اللي بتقوليه ده يا ماما بابا اكيد في حاجه مضايقاه انتي ما بتتكلميش معاه ليه انا لما يجي هاتكلم معاه او هاتصل بيه دلوقتي ..... اقول له يجي لو عرف اني هنا اكيد هيجي عشان يشوفني انا وادم .....انا طالعه دلوقتي اشوف فارس طلعت فريده فوق في اوضه فارس وخبطت على الباب ودخلت ..... _ ايه ده انتي جيتي امتى وحشتيني قوي يا فريده... وقام سلم عليها و حضنها وباسها انا ما سمعتش خالص انك جيتي ..... معلش والله قاعد اشتغل ورايا شغل قد كده بسبب ان اللاب توب بتاعي اتسرق اتسرق ..... = اتسرق ازاي ومين اللي سرقه .... _ماما كالعاده جابت لنا واحده سرقتنا ومشيت كل اسبوع يحصل نفس الحكايه ومش بتحرم جابت واحده تانيه لما نشوف دي هتعمل ايه معانا يا رب ما تطلعش حراميه هي كمان ..... بس هي شكلها كويسه زي ماما بتقول فعلا ..... =طب تعالي يلا عشان تقعد معانا تحت انا وادم وحازم .... قفل الشغل بتاعه ونزل لتحت سلم على ادم .... _ حبيب خالو عامل ايه يا دومي وحشتني قوي وانت يا حازم عامل ايه ايه الغيبه الطويله بقى لنا كثير مقعدناش مع بعض يعني لازم نقعد نتحايل عليكم عشان تيجوا ...... =غصب عني والله يا فارس عندي شغل كثير قوي ما كنتش قادر اسيبه وانزل اول ما عرفت اخد اجازه نزلت على طول .. . عاليا : طب يلا يا جماعه عشان نتغدى مع بعض يا حور يلا اغرفي الاكل وحطيه على السفره عشان هما اكيد جعانين من الصبح في الطريق ...... _ حاضر يا عليا هانم ...... فريدة : انتي بقى حور شكلك طيبه قوي انا فريده ... اخت فارس =اهلا بحضرتك مبسوطه قوي اني شوفت حضرتك شكلك طيبه قوي يا رب اكلي بقى يعجبكم انا هحط الاكل على متغيروا هدومكم .... دخلت حور تحط الاكل علي ما يخلصوا تغيير هدومهم ..... دخلت تحط الاكل و جهزته عالسفرة ..... حازم : واااو الاكل شكله حلو اوي تسلم ايدك مقدما يا حور انا متاكد ان الاكل ده هيطلع طعمه جميل ..... فريده : اه والله عندك حق يا حازم الاكل شكله حلو قوي انتي اشتغلتي شيف قبل كده يا حور حور : لا والله ما اشتغلتش قبل كده شيف بس انا باحب اخد الوصفات كلها و اعملها في البيت باتف*ج على قنوات الطبخ و باخد منها الوصفات موضوع الطبخ ده بالنسبه ليا هوايه عاليا : امال لو دوقتوا الدونتس والحاجات الحلوه من ايديها مش هتصدقوا انها معموله في البيت حور ربنا رزقني بيها بعد ناس كتير ما عندهاش ضمير .... حور : اسيبكم بقى تاكلوا و قولوا لي رايكم يا رب الاكل يعجبكم .... عاليا : امال فين فارس ممكن يا حور تروحي تنادي عليه من الجنينه هو كان واقف بره بيتكلم في التليفون = حاضر يا عاليا هانم ..... حور طلعت بره تنادي على فارس لقيته بيتكلم في التليفون كان بيكلم اسما وهو متعصب وبيقول لها ..... انا على فكره مش هاعدي الموضوع اللي انتي عملتيه حتى لو الملفات هتساعدني فانت ازاي اخذتي نسخه من اللاب توب بتاعي من ورايا انا بعد كده هاعمل باسورد على تليفوني وعلى اللاب وعلى كل حاجه تخصني عشان ما تعمليش كده تاني ..... لا انا زعلان عشان دي مش اول مره تعمليها انا حذرتك مره واثنين وثلاثه ومش هاعدي المره دي كده ..... حور : استاذ فارس .... فارس : طب اقفلي دلوقت يا اسما اما اشوف في ايه ... نعم ..... _ استاذ فارس بينادوا عليك جوه عشان الغدا ... ماشي ... انا هاروح لهم دلوقت ..... دخلت حور على اوضتها وفارس كان شايفها وهي رايحه اوضتها ..... _ حور هو انتي مش هتروحي تتغدى .... = لا يا استاذ فارس انا ما ليش نفس انا هقعد هنا لحد ما تخلصوا غدا عاوزه اكلم اهلي اتطمن عليهم عشان قلقانه عليهم جدا وقلبي مش مرتاح ...... _هو انا ممكن اقول لك حاجه ..... =اتفضل حضرتك .... _ اوعي تكوني لسه زعلانه من اسلوبي ومن الكلام اللي قلتهولك انا متضايق من نفسي جدا عشان انا قلت لك الكلام ده وانتي ما لكيش اي ذنب يا ريت ما تبقيش زعلانه مني ..... حور : انا مش زعلانه والله حقك برده تخاف ان حد غريب يدخل اوضتك ولا يهمك يا استاذ فارس ..... دخل فارس عشان يتغدى معاهم ..... _ فريده انت كنت فين يا فارس كل ده بتكلم مين اكيد بتكلم اسما الحب بتاعك ..... فارس : اسكتي والنبي يا فريده ما تجيبليش سيرتها عشان انا مش طايقها ...... فريده : ليه بس يا فارس ده انت بتحبها من زمان قوي ...... فارس : بتعمل تصرفات كلها غلط وانا بدات اني ازهق منها ...... فريده : سبحان الله انا طول عمري ما بحبش البنت دي بس كنت بحاول اتقبلها عشان خاطرك انت عمرها ما نزلت من زوري ...... حازم : ايه اللي بتقوليه لاخوكي ده يا فريده على خطيبته بطلي الكلام ده ...... فريده : في ايه هو ده حد غريب ده اخويا مش بنبهه انها مهتنفعهوش ...... عاليا : يا ريت نبطل الكلام و ناكل بدل ما الاكل يبرد وحرام البنت تعبت فيه جدا من الصبح واقف على رجليها بتعمله فارس : طيب يا ماما وهي ازاي هتقدر تعمل الاكل وفي نفس الوقت تنظف البيت .... عاليا : ما انا مش عارفه عاوزه اجيب حد يساعدها عشان ما يبقاش حرام عليا فارس : حرام كده البنت هتتعب جدا ..... حازم : انا ملاحظ ان فارس مهتم بالموضوع زياده على اللزوم ...... فارس : ههه ههه ده انا لسه شايفها ما بقاليش يوم مهتم بيها ليه انا باقول عشان ما يبقاش حرام علينا وتفضل طول اليوم واقفه على رجليها هي بني ادمه برضو ..... فريدة : طول عمرك حنين يا فارس يا ريت تشوف لك واحده غير اسما دي عشان ماتنفعلكش خالص عاليا : ملكيش دعوه يا فريده انتي ا تجوزتي وعايشه حياتك سيبيه هو اللي يقرر عاوز يتجوز مين حرام عليكي تخربي عليه ...... خلصوا الاكل ورجعت حور عشان تشيل الاكل .... فريده : على فكره يا حور انتي اكلك حلو قوي .... انا لازم اتعلم منك اعمل الاكل الحلو ده عشان عجب حازم جدا ..... حور : من عيني يا استاذه فريده شوفي حضرتك عاوزه تتعلمي ايه وهعلمك كل الاكل ده وهتعمليه احلى مني كمان ..... حازم : ياريت يا حور تعلميها الاكل الحلو ده عشان انا من النوع اللي باحب الاكل قوي ..... فريده : انا هاشيل معاكي الاكل ادخله المطبخ يا حور .. حور : لا خليكي حضرتك تعبانه من السفر ارتاحي وانا هشيل كل حاجه يا فريده هانم ..... فريده : بلاش فريده هانم و استاذه فريده قولي لي يا فريده بس احنا اخوات ما فيش بينا الكلام ده يعني اعتبريني اختك .... حور : ربنا يجبر بخاطرك يا رب .... فجاه سعوا صوت خبطه جامده ادم صاحي من النوم و رمي نفسه من على السلم وقعوا اتخبط في دماغه جامد اغمى عليه ..... فريده قاعده تصرخ عشان الولد ما بينطقش اخذته وجريت بيه هي وفارس وحازم على المستشفى وعالية لبست هدومها بسرعه ونزلت تجري ... حور : خديني معاكي يا عالية هانم عالية : ما لوش لازمه تيجي يا حور انا هاروح بسرعه حور : بالله عليك خديني معاكي انا مش هاقعد هنا مرتاحه خديني اشوفهم عاملين ايه معلش يا عاليا هانم خذيني بالله عليكي عاليا : ماشي يا حور يلا بسرعه تعالي معايا .... راحوا بسرعه عالمستشفي وهناك لقوا .... يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more