في قلوب العاش*ين البارت الحادي عشر

1535 Words

في قلوب العاش*ين البارت الحادي عشر بقلم /غاده سعيد فارس : اه هي دلوقتي قاعده عندنا في البيت يعني مسئوله مننا ما ينفعش نسيب اي حد يضايقها حتى لو كنت انت .... كريم : انا اول مره اشوفك كده يا فارس مش عارف في ايه انت مالك ب حور اصلا .... فارس : مش عايز اتكلم في الموضوع ده تاني معاك يا كريم ما لكش دعوه ب حور عشان ما نزعلش من بعض كريم : لا انت شكلك في حاجه تانيه مضايقاك عشان كده جايب موضوع حور ده ... بقى كده برده هتحدد الفرح من غير ما تقول لي هتتجوزوا امتى بقى ... فارس : والله ما انا عارف يا كريم انا حاسس اني زهقان منها ومش عاوز اكمل معاها بقى تصرفاتها كلها ما بتعجبنيش على طول بتشك فيا و محسساني اني بخونها طول الوقت ... كريم : ايه اللي انت بتقوله ده يا فارس دي اسما حب عمرك ازاي يعني مش هتكمل معاها ... فارس : مش عارف يا كريم لكن اخطائها بدأت تزيد كل يوم عن اللي قبله اكتر من زمان بكتير وانا مش عارف هاقدر اكمل حياتي معاها باسلوبها ده ولا لا المهم بكره عاوزك بدري قوي في الشغل عشان في تشكيله جديده جايه لنا وعاوزين موديل تكون حلوه نقيس عليها الهدوم دي عشان نعرضها ... كريم : انت بتفاجئني بالليل كده ازاي اجيب لك موديل منين انا دلوقت لازم تقول لي قبليها بيوم او بيومين .. في الوقت ده دخلت حور وهما بيتكلموا عشان تحطلهم عصير وكيك سمعتهم وهما بيتكلموا ان هم عاوزين موديل تقيس الهدوم وتتصور ... كريم : طب انت عاوزني اجيب موديل دلوقتي ازاي واحنا بالليل هاروح ادور فين انا دلوقتي .. انت بتهزر يا فارس انت ليه ما قلتليش على الموضوع ده من الاول على الاقل لازم تقول لي قبلها بيومين ... فارس : نسيت يا كريم بس لازم بكره ضروري الصبح تكون الموديل موجوده ازاي بقى ما اعرفش ... حور : معلش يا استاذ فارس بس انا ممكن اسال سؤال فارس : ا تفضلي يا حور حور : يعني ايه موديل ... فارس : دي بنجيبها عشان تقيس الهدوم اللي احنا م**مينها وبعدين تتصور ونحطها في مجله عشان اي حد عاوز يشتري يتف*ج على الهدوم ويختار منها على الموديل .... حور : ياه انا نفسي قوي اعمل كده من زمان باشوف صورهم في المجالات وبقول نفسي اكون موديل بس يا خساره ما ينفعش .... فارس : وايه اللي هيخليه ما ينفعش يمكن في يوم من الايام تكوني احسن منهم بكتير ... كريم : طب ما هي تاهت ولقيناها هي يا جماعه حور موجوده تقيس هي الهدوم وتتصور ايه المشكله يعني فارس : ايه اللي انت بتقوله ده يا كريم حور مين اللي تقيس الهدوم ... حور : انا عارفه يا استاذ فارس اني مش قد المقام ولا ينفع اني اشتغل كده بس يعني مش لازم تقول كده في وشي ..... فارس : والله ما قصدي حاجه يا حور بس انتي هتقبلي ان انتي تتصوري وتنزلي في مجلات عادي .... حور : اه وايه المشكله يعني هو انا هعمل حاجه غلط او حرام بس المشكله دلوقتي في مدام عاليه ها ترضى تخليني اعمل كده ولا هتزعل مني ... فارس : عليكي وعلى فريده احكي لها الموضوع بالتفصيل وهي اللي هتقدر تساعدك وتقنع ماما حور : بجد والنبي يا استاذ فارس يعني هترضى تاخذني معاك الشغل ده ... فارس : ايوه و ماخودكيش ليه وانتي يعني اقل من اللي بيتصوروا في حاجه بالع** ده انتي احسن منهم كمان .... حور : طيب انا هانزل دلوقتي للاستاذه فريده و هاقول لها على الموضوع كله ... نزلت حور عند فريده كانت قاعده في الانتريه لوحدها حور :استاذه فريده ممكن اتكلم معاكي في موضوع فريده : ما قلت لك بلاش استاذه دي يا حور قولي لي يا فريده بس احنا اخوات حور : ممكن اطلب منك طلب .. فريده : اه طبعا اتفضلي يا حبيبتي اللي انتي عاوزاه حور : انا دلوقتي كنت بودي العصير والكيك للاستاذ فارس واستاذ كريم سمعت انهم عاوزين واحده بكره معاهم في الشغل من اللي هم بيطلعوا في المجالات دول يقيسوا الهدوم اسمها ايه انا نسيت .... فريده : اسمها موديل اسمها موديل يا حور ... حور : ايوه هي دي يا استاذه فريده فعرضت عليه اني اروح لان هم مش لاقيين حد و الوقت متاخر ... فريده : وايه المشكله يعني يا حور انتي زي القمر و تنفعي جدا ... حور : ما انا عاوزاكي تساعديني تقنعي مدام عاليه لانها اكيد مش هتقبل اني اعمل كده ... فريده : وليه يعني مش هتقبل انك تعملي كده انتي اقل منهم في حاجه بصي بقى يا حور سيبي لي الموضوع ده انا ... و اهو اكون رديت لك جزء من الجميل اللي انتي عملتيه معايا يا حبيبتي ... حور : والله ده هيبقى جميل فعلا عمري ما هانساه ليكي لان ده حلم حياتي من زمان ... فريده : انا هطلع دلوقت عند فارس اتفق معاه هنقول ايه قدام ماما و مالكيش دعوه انتي بالموضوع خالص وكانك ما تعرفيش اي حاجه ولا كأن انت اللي طلبتي انك تبقى كده ... حور : بجد والنبي هتساعديني يعني ... فريده : هساعدك كمان وهخليكي تروحي بهدوم من عندي عشان ما تبقيش اقل من اي حد هنقي لك اشيك فستان عندي في الدولاب وهاديه لك يا حور ... حور : انا بجد مش مصدقه نفسي انتي بجد هتعملي كل ده عشاني ربنا يخليكي يا رب ... فريده : سيبيني بقى اطلع عشان اتفق مع فارس وكريم هنقول ايه قدام ماما ... طلعت فريده عند اخوها وقالت له : بص بقى يا فارس انت وكريم انتم تحت هننزل نقعد مع بعض و ماما تيجي تقعد معانا وفارس هيطلب منك يا كريم انك تجيب له موديل الصبح بكره ضروري فانت هتقول له مش هينفع اجيبها لك منين وهو يرد عليك ويقول لك ازاي احنا كده شغلنا هيتاثر لازم الموديل تكون موجوده بكره الصبح بدري ساعتها حور هتدخل تكون بتجيب ميه او اي حاجه وانا اللي هاقول لكم ايه رايكم في حور والله شكلها موديل حلوه قوي وحور هتتفاجئ وبكده نطلع حور بره الموضوع ونحقق لها اللي نفسها فيه من زمان عشان دي بنت غلبانه وتستاهل كل خير فارس : ده انتي دماغك سم يا فريده انا قلت لها ما فيش حد هيقف معاكي في الموضوع ده غير فريده طب يلا ننزل دلوقتي ونعمل الخطه دي ... نزلوا تحت قعدوا في الانتريه وندهوا على مامتهم تقعد معاهم .. فريده : ما تيجي يا ماما تقعدي معنا شويه احنا مش قاعدين مع بعض من الصبح خالص نقعد نتف*ج على فيلم ولا حاجه و اهو كريم قاعد معانا .... عاليا : عندك حق فعلا يا فريده احنا مقعدناش مع بعض النهارده خالص فضلوا قاعدين حوالي خمس دقايق كده .... فارس : كريم بكره الصبح تكون موديل عندي عشان تقيس الكولكشن ده ... كريم : ايه اللي بتقوله ده يا فارس انت بتفاجئني يعني هاجيب لك موديل منين كمان كم ساعه انت عارف انت بتقول ايه .... فارس : يا خبر انا نسيت اقول لك صحيح ان انا محتاج موديل انا فاكر اني قايل لك وان انت مجهزها كمان .. كريم : الظاهر ان موضوع الجواز لاحس مخك خالص انت ما قلتليش خالص انك عاوز موديل بكره ومش هينفع اجيبها لك ... فارس : طب ما كده الشغل هيتاثر و الكولكشن ده هيضيع علينا احنا متاخرين ولازم ننزله بكره بالكتير قوي .... فريده : طب ما انا عندي حل حلو .... فارس : الحقينا بيه ابوس رجلك ... فريده : ايه رايكم في حد وجه جديد ما ظهرتش قبل كده وزي القمر وتنفع جدا ... كريم : متحيرنيش يا فريده وقولي لنا هي مين بالظبط فريده : حور هي في غيرها والله تنفع و هتخليكم مشهورين اكثر ما انتم ... عاليا : ايه اللي بتقوليه ده يا فريده حور مين اللي هتبقى موديل هي قالت لاهلها الكلام ده ومين قال لك ان انا موافقه كمان .... فريده : وايه المشكله يا ماما ايه يا اهلها لو قالت لهم عمرهم ما هيمنعوا شغل زي اي شغل وبعدين انا شايفه ان هي اكثر واحده تنفع ده الموديل اللي بيجيبوهم اتهرسوا في كل الاعلانات دي وجه جديد وهتجيب لهم شغل حلو قوي قوي .... عاليا : بس ما اظنش ان حور هتوافق بحاجه زي دي مستحيل خدوا رايها الاول ... فريده : يا حور تعالى عشان عاوزاكي في موضوع ضروري ... حور : خير يا استاذه فريده في حاجه ... فريده : ايه رايك يا حور تشتغلي موديل في المجلات اظن شغلانه ما فيش زيها .... حور : بجد والنبي انا نفسي من زمان اشتغل الشغلانه دي بس قلت مستحيل حد يشغلهاني ده حلم حياتي فريده : انا اللي عرضت عليهم انك تشتغلي عشان شايفاكي هتبقى حاجه كويسه ... عاليه : ده انا باقول لهم انك مستحيل توافقي توافقي على طول بالسهوله دي غريبه قوي ... حور : والله يا عاليا هانم ده حلم حياتي من زمان بس انا اكيد لو اشتغلت الشغلانه دي مش هاسيبك طبعا انا معاكي هنا في البيت و لما يجيلي اي شغل هاروح وارجع عاليا : ما انتي كده كده مش هتسبيني لانك هتشتغلي مع ابني في الشركه بتاعته لو جاله اي كولكشن جديد هتروحي وتصوريه وتيجي تاني عادي .. حور : انا مش مصدقه نفسي بجد ان ربنا هيحققلى حلم حياتي بالسهوله دي عاليا : ما تخيلتش خالص انك تفرحي الفرحه دي طيب يا ستي ربنا يوفقك ابقي اعرفينا بقى لما تتشهرى ... حور : لا طبعا يا مدام عاليا انتي الخير والبركه بتاعتي .... وبكده خلاص الموضوع خلص بتخطيط فريده ... فريده قامت وقالت لحور تعالي معايا شويه يا حور عشان عاوزاكي في موضوع و اخذتها معها الاوضه يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more