في قلوب العاش*ين البارت الثاني عشر

1104 Words

في قلوب العاش*ين البارت الثاني عشر بقلم / غادة سعيد فريده : بصي بقي يا حور انا عاوزاكي بكرة تروحي الشركه كله يتفاجيء بيكي هناك .... هنقيلك احسن فستان عندي بس يارب زوقي يعجبك بس ..... حور : بجد يا استاذة فريده يعني هتلبسيني من هدومك بجد انا كنت فكراكي بتقولي كده وخلاص وكنت حاسه ان عاليا هانم مش هتوافق ... فريده : لا طبعا يا حور انا لما باقول كلمه مش برجع فيها الدولاب عندك كله خدي اللي انتي عاوزاه بس ايه رايك انقى لك انا على ذوقي .... حور : طبعا دي حاجه تفرحني انك تلبسيني على ذوقك ..... فريده قعدت تدور في الدولاب لحد اما طلعت فستان لونه اسود قصير اوف شولدر وقالت لي : حور قيسي كده ده انا عاوزه اشوفه عليكي حور : بس ده قصير انا عمري ما لبست كده فريده : هما كل اللي هناك بيلبسوا كده لازم تبقى شبهم وبعدين ده مش قصير قوي يعني ده عند الركبه ده فيه اقصر من كده بكتير انتي عشان بيضه انا اخترت لك الفستان ده وحاسه انه هيبقى جميل عليكي حور : طيب ماشي انا هادخل اقيسه دلوقتي وهاجي اوريكي .... دخلت حور عشان تقيس الفستان طلع مظبوط عليها بالظبط وكان شكله تحفه .... بصت لها فريده وانبهرت بيها وقالت لها انتي ازاي زي القمر كده قولي لي بقى مقاس رجلك كام ؟ حور : مقاس رجلي 38 .... فريده : ايه ده ايه الصدفه الحلوه دي ده نفس مقاس رجلي بالظبط انا كنت هانزل اشتري لك جزمه بس انا عندي جزم حلوه قوي وهتليق على الفستان ده .... ادت لها شوز عالي بيليق على الفستان جدا ولبسته وكان شكله جميل عليها واديتها مكواه الشعر وقالت لها الصبح بدري اول ما تصحي هاجي اعمل لك شعرك .... حور : انا مش مصدقه بجد انك بتعملي كل ده معايا انتي اكتر من اختي بجد شكرا ليكي .... فريده : انا ما عملتش اي حاجه معاكي يا حور انتي اللي عملتي معايا كتير والمفروض انا اللي اشكرك .... ان شاء الله هتبقى احسن موديل في الدنيا واحسن من اللي كنت بتشوفيهم تتمنى تبقى زيهم .... ربنا يستر بقى على اسما لما تشوفك معاهم يا ترى رد فعلها هيكون ايه انا نفسي اجي و اشوفها بنفسي .... حور : طيب ما تيجي معايا والنبي انا نفسي تكوني معايا قوي عشان ما بقاش خايفه وتقولي لي اعمل ايه بالظبط فريده : ياريت يا حور والله كان نفسي بس مش هينفع اسيب ادم هنا لوحده ما حدش بيعرف يتعامل معاه غيري انا وانتي وحازم يادوب بيقعد معاه ساعه بالعافيه مش هينفع اسيبه كل ده ومش هينفع اخده معاياالشركه لانه لسه تعبان برده ..... حور : ربنا يشفيه يا رب طيب ماشي انا هاخد الفستان دلوقت هاروح عشان انام واصحى بدري .... فريده : ماشي يا حور وانا هبقى اجي لك الصبح اضبط لك الدنيا والميك اب وهنبقي نشوف هنعمل ايه عشان تمشي مع فارس .... اخدت حور الفستان وراحت على اوضتها وكانت حاسه انها بتحلم و نايمه حاضنه الكيس اللي فيه الفستان والجزمه وكانت بتحلم انها هتبقى عارضه ازياء مشهوره بس خايفه احسن تصحي على كابوس والموضوع ما يكملش او يحصل اي حاجه ... ظبطت المنبه ونامت وصحيت قبل الميعاد اخذت شاور و لبست الفستان وفضلت قاعده مستنيه فريده وفعلا فريده متاخرتش وجات لها قبل الميعاد اللي بيمشوا فيه بساعه حور : انتي تعبتي نفسك والله و صحيتي بدري قوي فريده : ما تقوليش كده يا حور يا دوب دا انا اخلص لك شعرك و الميك اب هيكون الساعه عدت .... حور : انا مش عايزه اتعبك والله يا استاذه فريده لو ينفع انا هاعمل شعري و احط لنفسي اي حاجه وخلاص فريده : لا طبعا ما ينفعش انا اللي ها احط لك عشان اعمل لك حاجات تليق عليكي وبعدين والله ما فيش تعب ولا حاجه انتي زي اختي .... بدات فريده تعمل لها شعرها عملته ويفي لان حور شعرها ناعم جدا فكانت عايزه تعمله فوليوم وجابت لها شويه ا**سوارات حلق وسلسله رقيقه وانسيال وخاتم تلبسهم ... وحطيت لها ميك اب خفيف جدا يليق على الخروج بالنهار .... فريده : بس يا ستي كده بقيتي جاهزه يلا تعالى بقى بصي لنفسك في المرايه ... حور : ايه ده مين دي بجد دي انا انا والله ما عرفت نفسي فعلا الفلوس والهدوم بتغير الانسان تسلم يدك يا فريده هانم انا مش عارفه اشكرك ازاي انتي غيرتي شكلي تماما .... فريده : برده تاني هتقولي لي هانم مش قلت لك احنا اخوات و ما فيش ما بيننا الكلام ده وبعدين هانم ايه ده انتي شكلك بقيتي اجمل من اي هانم بكتير بصي لنفسك في المرايا يا حور زي القمر يا حبيبتي ... فجاه تليفون فريده رن ... _ الو ايوه يا حازم = ايوه يا فريده اطلعي يلا عشان ادم لما صحى ملقتكيش جنبه عمال يعيط _ حاضر يا حازم انا طالعه دلوقتي انا كده كده خلصت فريده قفلت التليفون وقالت لحور معلش يا حبيبتي انا لازم اطلع دلوقتي عشان ادم عمال يعيط وفارس هتلاقيه خمس دقائق عشر دقائق بالكتير وهيخبط عليكي هياخدك معاه ما تقلقيش حور حضنتها وقالت لها : شكرا ليكي تاني يا فريده انتي بجد ما فيش زيك ضحكتلها فريده وطلعت عشان تشوف ادم اللي بيعيط وهي طالعه قابلت فارس على السلم فارس : ايه حور هتيجي معايا ولا غيرت رايها فريده : لا دي صاحيه من بدري غيرت رايها ايه بس صاحيه وجاهزه مستنياك تحت عشان تمشي معاك فارس : طيب ماشي لما نشوف ايه اخرتها .... نزل فارس على السلم وصل الاوضه بتاعه حور الصغيره اللي جنب الجنينه خبط عليها اول ما خبط حور اتخضت قوي وقلبها قعد يدق جامد لبست الشنطه اللي فريده اديتها لها وفتحت الباب بشويش لقت فارس في وشها فارس : انتي مين فين حور .... حور : ما انا قدامك اهو يا استاذ فارس انت بتتريق عليا ولا ايه فارس : لا والله مش بتريق بس انتي فاجئتيني بجد باللي انتي عاملاه في نفسك ده حور : يعني هو وحش ولا حلو انا مش عارفه فارس : ده مش حلو بس ده يجنن انتي ازاي حلوه كده ... حور وشها احمر من الخجل من كلام فارس وقالت له ماشي مش يلا بقى عشان ما تتاخرش على التصوير .... فارس كان واقف باصصلها ومش بينطق نص كلمه كان مبهور ب جمالها و انوثتها ..... حور : انتو شكلكم كده لغيتوا التصوير خلاص هروح اغير هدومي ..... وراحت تلف وشها عشان تدخل الاوضه تاني راح فارس ماسك ايديها وقالها : تروحي فين دنا مصدقت لقيتك يلا بينا حور : طيب بعد إذنك ايدي المنظر كده مش لطيف خالص .... وفارس كان في دنيا تانيه و حور بدأت تسحب ايديها منه بشويش عشان يسيبها ..... راحت عند العربيه و فارس راح فتحلها الباب الي جنبه و ركبت وهو ركب ..... و عاليا كانت واقفه فوق تراقب الي حصل وهو بيفتحلها الباب والموقف مكنش عاجبها خالص وبدأت انها تنفر من حور بسبب الي بيحصل .... يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more