في قلوب العاش*ين

احزان الفتاة

اسما دخلت وكان باين عليها انها مبسوطه جدا وبتقول لعاليا : انا عاوزه اتكلم معاكي يا طنط شويه في موضوع مهم .. فريده بصيت لها وقالت لها : اتكلمي قدامي يا اسما انا خلاص بقيت عارفه كل حاجه .. وعارفه اللي انتي بتخططي له انتي وماما .. اسما استغربت جدا وبصت لعاليه نظره كانها بتقول لها انتي قلت لها ليه على اللي احنا عملناه ..

عاليا : فريده عندها حق يا اسما هي فعلا عرفت كل حاجه كان لازم اقول لها لانها عملت لي مشكله مع دكتور طارق وكان لازم تعرف كل حاجه ..

اسما : بس انا مش عاوزه اتكلم معاكي في الموضوع ده .. انا عاوز اكلمك لوحدك يا طنط دلوقتي .. فريده بصيت لها من فوق لتحت وراحت واخده بعضها وخارجه بره الاوضه ..

عاليه : في ايه يا فريده حد عرف حاجه ولا ايه ..

اسما : ما تقلقيش خالص يا طنط انا مبسوطه جدا عشان فارس بدا انه يهتم بيا و رجع لي مكتبي وانا قولتله انك قولتيلي انك نفسك اننا انا وهو نتجوز حسيت انه قلبه بدأ يحن وممكن نرجع لبعض ..

عاليه : يا حبيبي يا ابني مكنتش اعرف انه بيحبني اوي كده . المهم عندي انه ينسي الي اسمها حور دي خالص ويمحيها من حياته .. قعدوا يتكلموا مع بعض وفريده دخلت اوضتها .. كانت متضايقه جدا من تصرفات مامتها واسما وقعدت تفكر يا ترى تروح تقول لفارس على كل اللي هم بيخططوا له ويطلع مامتها كذابه ولا تسكت خالص عشان ما تخسرش مامتها .. وتسيب الامور تمشي زي ما هي .. لكن اللي كانت صعبانه عليها جدا حور لانها ما لهاش اي ذنب في اللي بيحصل ده وهم كدا ظلموها باللي هم بيعملوه ده .. طلعت تليفونها وراحت متصله بحور عشان تتطمن عليها وتشوفها عامله ايه . التليفون قعد يرن وهي ما بتردش .. حور كانت في الشغل بتاعها ومش سامعه التليفون خالص . اخر النهار لما مسكت التليفون لقيت فريده متصله بيها ثلاث مرات .. قالت تكلمها تشوف في ايه احسن يكون في اي حاجه حصلت .. اتصلت بفريده ..

حور : ازيك يا فريده عامله ايه وحشتيني والله بقى لي كثير قوي ما شوفتكيش ..

فريده : انا كويسه يا حور طمنيني عليكي بجد انتي اللي وحشتيني اكثر ..

حور : طمنيني على مامتك عامله ايه دلوقتي يا رب تكون بخير ..

فريده : ماما بقيت احسن الحمد لله طمنيني عليكي انتي .. انتي ما كنتيش بتردي عليا ليه ..

حور : اصل انا كنت في الشغل ومش سامعه التليفون ..

فريده : هو انتي خلاص سيبتي في الشغل في الشركه عندي فارس ..

حور : ايوه انا رحت النهارده اخذت حاجتي كلها وخلاص ..

فريده : انا عاوزه اجي اقعد معك ونتكلم مع بعض شويه يا حور ..

حور : ليه يا فريده هو في حاجه ولا ايه ..

فريده : لا والله عاوزين نتكلم مع بعض شويه لكن ما فيش حاجه ما تقلقيش .. انا هابعث لك دلوقت رساله فيها العنوان اللي هاقابلك فيه .. وشوفي الميعاد اللي يناسبك ..

حور : انا بكره اجازه ان شاء الله نتقابل ونقعد نتكلم مع بعض .. انتي اصلا وحشاني جدا .. قفلت حور مع فريده وكانت مستنيه الرساله اللي هيتبعت لها فيها العنوان .. بعثت لها فريده عنوان كافيه قريب منها يروحوا يتكلموا مع بعض فيه وهي قاعده عا** دخل عليها ..

عا** : ازيك يا حور عامله ايه يا رب تكوني مبسوطه معانا في الشغل ..

حور : وانا من امتى مش مبسوطه معاكم يعني يا مستر عا** انا بحب الشغل معاكم جدا ومش عاوزه اسيبه ثاني ..

عا** : لو في بينك وبين فارس اي مشكله قولي لي وانا ممكن اتدخل واحلها لكم عشان ما احسش اني فرقتكم عن بعض ...

حور : لا طبعا يا مستر عا** الموضوع مش موضوع مشكله ولا حاجه انا وفارس مش هينفع نكمل مع بعض .

الاختلاف بيننا كبير جدا .. انا فين وهو فين والعيلتين مش شبه بعض ومامته مش موافقه وهو خلاص بدا يبعد واحده واحده .. انا مش هينفع اكمل معاه ولا افرض نفسي عليه .. الموضوع انتهى خلاص يا مستر عا** ولو سمحت ما تفتحش معايا الموضوع ده ثاني عشان انا مش عاوزه افتحه .. عاوز ابدا حياتي من جديد وانسى كل اللي فات ده واعتبره كان حلم جميل .. بس انا مش عاوزه اعلق نفسي في حاجه وفي الاخر ما تبقاش ليا ..

عا** : غريبه يعني يا حور بس فارس بيحبك جدا ازاي انتوا وصلتوا مع بعض للمرحله دي ..

حور : احنا كان لازم نوصل للمرحله دي من زمان جدا .. الموضوع ما كانش ينفع من الاول يا مستر عا** .. وهما قاعدين يتكلموا دخلت ديمه عليهم .

ديما : انتي هنا يا حور كويس اني شوفتك انا اصلا كنت جايه عشان اقعد اتكلم معك شويه .. من ساعه لما عا** قال لي انك رجعتي الشغل ثاني فرحت جدا وقلت اجي اتكلم معك بدل ما انا قاعده طول اليوم كده بكلم نفسي .. يلا يا عا** اطلع بقى سيبنا نتكلم انا وحور شويه ..

عا** : طيب اسيبك بقى مع صاحبتك دي ..

ديما : مالك يا حور في ايه شكلك متضايق جدا في حاجه مزعلاكي ولا ايه . في اللحظه دي حور انهارت من العياط وحكيت لديما كل حاجه وقالت لها : انا كنت مخدوعه يا ديمه ما كنتش اعرف انه هيتخلى عني في اول خطوه كده .. انا مش عارفه ازاي كل ده حصل واحنا وصلنا ازاي للمرحله دي انا وهو ..

ديمه : وانتي هتسبيه بالسهوله دي يا حور مش تتكلمي معاه وتعرفي في ايه ..

حور : مش انا لسه حاكيه لك يا ديما على موضوع مامته ده .. اكيد يعني مش هيغضب مامته عشاني .. انا عارفه كويس ان العلاقه دي كانت لا يمكن تتم ..

ديمه : ما تقوليش كده يا حور على نفسك انت تستاهلي كل خير وتستاهلي احلى واحد في الدنيا .. انا مش عاوزاك تضايقي خالص وتبدئي صفحه جديده انتي الف واحد يتمناكي ..

حور : ما لوش لزوم الكلام ده يا ديمه انا دلوقتي مركزه في شغلي وبس .. عاوزه اربي اخواتي تربيه كويسه و ميطلعوش نفسهم م**ورة زيي عوزاهم يطلعوا احسن ناس ..

ديمه : ان شاء الله هيطلعوا احسن ما تتمني .. يلا بينا عشان اوصلك معايا لحد بيتك ..

راحت حور مع ديما وصلتها لحد البيت واول ما دخلت البيت لقت ..