في قلوب العاش*ين البارت الثالث عشر

1650 Words

في قلوب العاش*ين البارت الثالث عشر بقلم / غاده سعيد راحوا حور وفارس للشركه و كانت راكبه جنبه في العربيه ... حور : هو ايه اللي هيحصل بالظبط يا استاذ فارس عشان مبقاش متلخبطه اول ما هاروح رئيس واحد صوروني وهتنزل وصوري فين بالظبط فارس : انا شايفك متوتره على الفاضي ما فيش اي حاجه هو البنت هتظبط الكولكشن عليكي هتتصوري به عشان اي حد يحب يشتري منه يبقى شايف الصور على الطبيعه بس اظن مش هيبقى في طبيعه احسن منك لانك انتي اللي هتحلى الحاجه ... حور : انا ما بحبش حد يقعد يقول لي الكلام ده عشان بتحرج وبعدين اللي يشوف حضرتك اول يوم شف*ني كنت بتقول لي ايه ما يشوفكش دلوقتي وانت بتقول لي الكلام ده ... فارس : انا فعلا ما كنتش اعرفك كويس وظلمتك بذنب الناس اللي قبلك بس انتي غيرهم فعلا يا حور اوعي تكوني لسه زعلانه مني ... حور : لا طبعا مش زعلانه والله خلاص انا بس استغربه ليه الناس بتاخد الواحد بالمظهر الخارجي مش بالداخلي على طول الناس بتحترم اللي لابس كويس مع ان في ناس بسيطه احسن 100 مره من اللي بيلبسوا كويس .... فارس : ممكن اسالك سؤال .... حور : اتفضل يا استاذ فارس اسال ... فارس : ازاي بنت بالجمال ده ما اتخطبتش لحد دلوقتي او على الاقل بتحب حور : انا اللي رافضه الموضوع ده نهائي عشان خاطر اهلي ايوه انا بضحى عشان اصرف على اهلي واعالج بابا مش فارق معايا اي حد خالص غيرهم في واحد بيحبني جدا بس انا مش مدياله وش و شايفه ان ما فيش حد يستاهل اني احبه غير اهلي بس هي دي كل الحكايه .... فارس : انتي غريبه جدا اغرب انسانه شوفتها في حياتي خلاص بقى نكمل كلامنا بعدين عشان احنا وصلنا ..... حور : على طول كده وصلنا ... فارس : فعلا اول مره احس ان الطريق قريب كده هو الوقت عدى بسرعه جدا معاكي ولا بيتهيألي ... نزل فارس من العربيه وفتح له حور العربيه ونزلت معاه مشيت جنبه دخل على مكتبه كانت قاعده وكانت منتظره يجهزوا الحاجه ... فارس : تحبي تشربي ايه يا حور ... حور : لا ابدا انا مش عايزه اشرب اي حاجه انا عاوزه اخلص بس عشان ارجع بسرعه واروح ... فارس : انتي مش هتروحي لوحدك يا حور انت كده كده هتروحي معايا زي ما جيتي معايا حور : بس انا خايفه احسن اتاخر ومدام عالىا تزعل مني ... فارس : سيبي الموضوع ده عليا لو اتاخرتي انا هاقول لها ان اللي اخرتك عشان كنت محتاجك في الشغل خلاص بقى يا حور متكبريش المواضيع خلينا نشوف شغلنا ... حور : حاضر يا استاذ فارس هما دلوقتي بيظبطوا الحاجه نص ساعه وهنبتدي الشغل ... فجاه الباب اتفتح واسما دخلت اسما : ايه ده انا مش عارفه انك معاك ضيوف سوري يا حبيبي ... فارس : لا دي مش ضيوف ولا حاجه ايه ده انتي ما عرفتهاش دي حور الموديل بتاعتنا الجديده اسما : حور مين دي ... فارس : هو احنا يعني عندنا حد تاني اسمه حور غير حور اللي كانت عندنا في البيت اسماء حصل لها صدمه وقعدت تبص لها شكلها اتغير تماما و كان باين في نظراتها الحقد والغل من ناحيه حور .... حور : اهلا يا استاذه اسما اسما : اهلا معرفتكيش اتغيرتي خالص .... حور : انا زي ما انا اتغيرت بره بس لكن من جوه زي ما انا ... اسما : فارس لو سمحت عاوزاك بره شويه .... خرج فارس بره واقف يتكلم معاها اسما : ايه اللي انت عملته ده حور مين اللي انت جايبها تشتغل مودل انت عارف الناس لو عرفت هي اساسا بتشتغل ايه ايه اللي هيحصل ... فارس : والناس مالها بشغلها اهم حاجه تنفع للشغل ده وما لناش دعوه هي مين ولا بتشتغل ايه وانا شايف ان حور مناسبه جدا انتي نفسك اول ما شوفتها ما عرفتهاش وانبهرتي بيها بعد اذنك يا اسما سيبي اي حاجه جواكي من ناحيه حور على جنب عشان ده شغل اسما : لا انت كده على فكره زودتها قوي قوي انا كنت فاكره ان الموضوع عادي الاول بس انت كده الموضوع ما بقاش عادي معاك كمان جايبها الشغل ده كده في حاجه غريبه بتحصل وانا مش حاسه بقي .... فارس : افهميها زي ما تفهميها انا اهم حاجه عندي شغلي ومش مهم عندي اي حاجه ثانيه اسما : ماشي يا فارس انت حر اعمل اللي تعمله بس انت كده بتقطع علاقتنا ببعض خالص بسبب عمايلك دي الباب بيفتح حور خرجت وقالت لهم انا اسفه انك سمعتكم بس الصوت كان عالي جدا و استاذ فارس انا مش عايزه الشغل ده انا متشكره جدا جدا لك عشان انا مش مستعده اسمع اي إهانه بوداني وانا قاعده ما عملتش اي حاجه كل اللي عملته اني عاوزه اشتغل اسما : والله يا حور انا اكتر واحده فهماكي شغل الصعبانيات بتاعك ده عمره ما يخيل عليا عشان انا عارفه الاشكال اللي زي دي كويس .... حور : لحد هنا وانا ما اسمحلكيش تتهميني الاتهام ده وتهنيني بالطريقه دي وعلى فكره انا كمان باعرف ارد بس مش مش هارد عارفه ليه عشان انا اهلي ربوني وما اتعلمتش ارد الاساءه بالاساءه .... اسما : انتي كمان بتقولي عليا اني مش متربيه لا انتي كده زودتيها على الاخر .... حور : انا ما قلتش كده انت اللي اخدتي الكلام على اعصابك وحرفتي زي ما انتي عاوزه انا ماشيه يا استاذ فارس وتقدر حضرتك تجيب اي حد غيري فارس : مش هتمشي يا حور ما ينفعش اصلا تمشي ما فيش غيرك وبعدين انتي ليكي انا مالكيش دعوه باسما كانها مش موجوده في الشغل ... اسما : ايه اللي بتقوله ده يا فارس اخرتها بتقول عليا كده .... فارس : بعد اذنك يا اسما مش عاوزك هنا امشي عشان احنا كده هنخسر بعض للابد ... اسما : كمان بتطردني عشان حته شغاله انت ذوقك نزل خالص .... فارس : اطلعي بره يا اسما مش عايز اشوف وشك دلوقتي وراح طردها و زقها بره ... حور : لو سمحت يا استاذ فارس انا مش عايزه اعمل لحضرتك مشاكل وسيبني امشي معلش ... فارس : والله يا حور مش هتمشي انا هنا اللي اقول مين يمشي و مين يقعد مش اسما .... فجاه حور قعدت تعيط وتقول له : انا مش عارفه انا عملت لها ايه عشان اللي بتعمله ده كله ليه كل الكره ده من ناحيتي مع اني عمري ما اذيت حد .... فارس : طلع منديل من جيبه قعد يحطه على وش حور ويمسح دموعها ويقول لها : معلش حقك عليا ... انا مش ها خلي حد تاني يعمل فيكي كده .... انا اسف ما تعيطيش حقك عليا انا يا حور خلاص بقي كفايا ..... حور : انا كويسه يا استاذ فارس خلاص فجأه الباب خبط و كريم دخل .... كريم : صباح الخير والجمال والحلاوة ايه ده مين القمر دي عالصبح كده ..... فارس : برده مش هتبطل الهزار بتاعك يا كريم مش قلت لك انا ما بحبش كده .... كريم : والله ما باهزر هي مين دي بجد فارس هتكون مين يعني مين الموديل اللي قلنا ان هي هتيجي النهارده حور ... كريم : انت بتتكلم بجد حور مين دي انتي حور بجد حور : ايوه انا هيكون مين يعني .... كريم : طيب مالك انتي شكلك معيطة ليه كده ايه الي حصل حد زعلك هنا .... فارس : هيكون مين يعني غير اسما هي كده بتحب تفسد اي حاجه حلوة .... كريم : انا شايفك متحامل علي اسما بقالك كام يوم كده يا فارس ايه الحكاية مبقتش طايقها ليه كده ..... فارس : منا قولتلك قبل كده من تصرفاتها زهقتني .... كريم : المهم دلوقتي حور جاهزة عشان خلاص هنبدأ ... حور : ايوة انا جاهزة يا استاذ كريم بس ثواني هغسل وشي بس الاول عشان ابدأ .... كريم : متقلقيش خالص فيه ميكب ارتيست معانا عشان تظبطلك الميكب بتاعك علي حسب لون الحاجه الي هتلبسيها ..... دخلت حور عشان تجهز نفسها و عاليا كانت قاعدة فالبيت شايطة من الي شافته فريدة نزلت تقعد معاها لقيتها قاعدة متضايقه ومش بتتكلم ..... فريده : مالك يا ماما قاعده متضايقه ليه كده .... عاليا : يعني متعرفيش مالي مش انتي الي دبستينا في موضوع حور ده و شكله هيكبر مع اخوكي كده .... فريده : يعني ايه يا ماما مش فاهمه الموضوع هيكبر ازاي يعني .... عاليا : كنت واقفه فالبلكونه الصبح و شوفت فارس وهو بيخبط علي حور و اول ما شافها كانت نظراته ليها مش طبيعه لا يمكن تقولي انها واحده جايه تشتغل عنده خالص كأنها نظرة لواحد بيحب واحده .... فريدة : هههههه والله دي حاجه حلوة ياريت يكون بيحب حور اهي احسن من الي اسمها اسما دي بكتير ... عاليا : انتي اتجننتي يا بت ولا ايه دا يوم ما يعملها هيكون ملوش ام اصلا ومش هعرفه تاني .... فريده : ليه يا ماما كده بس دي حور غلبانه وطيبه هي يعني عشان علي قد حالها هتعملي كده ..... عاليا : ايه الي بتقوليه ده يا فريده انتي بتهزري و لا بتتكلمي جد .... انا كده همشيها من البيت خالص عشان كده انا بدأت اشك بقي وابشك مش هيروح من دماغي ..... فريدة : في ايه يا ماما انا بهزر معاكي تمشيها ايه بس انتي كل حاجه تاخديها بجد .... عاليا : انتي متعرفيش احنا من عيلة ايه دا والله لو حصل الموضوع ده الناس مش هيبقي ليها سيرة غيرنا وهتبقي فضيحتنا ب جلاجل في كل مكان .... فريدة : في ايه يا ماما انتي واخده الموضوع جد كده ليه بس انا كنت بهزر معاكي انسي يا ماما الكلام ده من دماغك حور مش بتاعه الكلام ده خالص ..... قعدت فريدة و مامتها يتكلموا شوية و حور كانت فالاوضه بتغير هدومها و قاست طقم كاجوال وعملولها شعرها كيرلي و حطولها الميكب كانت زي القمر احلي من احلي موديل جابوها قبل كده ..... الفوتوجرافر انبهر ب جمالها .... _ بصي كده يا استاذه و خلي عينك معايا .... ارفعي رقبتك فوق شوية و حطي ايدك علي دقنك كده .... بجد بجد دا شكله احلي سيشن هشتغلك في حياتي .... كل الي كانوا واقفين كانوا منبهرين ب جمالها ..... كريم تليفونه رن خده و طلع يجري علي بره و محدش لاحظ خالص كله كان مركز مع حور بما فيهم فارس كان في دنيا تانيه .... _ الو ... انا مش قولتلك متتصليش بيا وانا هنا انتي بتهزري صح .... يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more