Treinta y uno
ALAM KONG marami akong kasalanan at tanggap ko rin lahat ng kamalian ko. Pero ngayong nasa harap ko ang problemang ito ay hindi ko alam kung paano ko ito lulusotan. Ilang beses ko mang sabihin na itatama ko ang lahat ay lagi pa rin akong nauuwi sa pagkakamali. Hindi ko alam kung paano ko bibigyan ng katwiran ang lahat ng ito ngunit ayokong magkagulo sila ng dahil sa akin.
Kahit saang parte ng bahay ni Marcon ang puntahan ko ay hindi ako mapakali dahil parang may mga matang laging nakamasid sa akin. Mga matang tumatagos hanggang kaluluwa ko ang kilabot na nararamdaman ko dahil sa mga titig niya. Daig ko pa ang may surveillance camera na nakasunod sa akin kulang na lang pati sa banyo at sundan niya ako ng tingin. Hindi man lang ba siya naiilang na nandito siya sa bahay n
