NASA bungad ako ng living room nang makita ko si Azriel na nakaupo sa sofa habang hawak ang kanyang tablet. Sa gilid niya ay isang lalaking hindi ko kilala.
Malaki ang pangangatawan ng lalaking katabi ni Azriel. He’s tall and good-looking. Pakiramdam ko kung hindi kasing-edaran ni Azriel ay mas matanda nang kaunti sa kanya.
“Sir, these are the footage of the CCTV cameras from last night. Mukhang alam na alam ng lalaki kung paano makapasok. We also notified the guards of the subdivision, walang kahina-hinalang sasakyan o tao ang pumasok kahapon sa lugar. Malakas ang kutob ko na kung sino man ang pumasok sa loob ng bahay ng mga Hidalgo ay nasa loob na mismo ng subdivision.”
Natigilan ako sa kinatatayuan ko. Nabanggit nga ni Azriel na papaimbestigahan niya ang nangyari sa akin kagabi.
“Th
