Chapter 14
"Care to explain this Miss Mijares? Miss Montano?" interrogate sa amin ni Principal Gallarde, habang hawak niya ang isang smartphone, kung saan napapanood ang naganap na sabunutan namin ni Mandy.
Nasa kalagitnaan kami ng klase nang ipatawag kami parehas ni Mandy at pinadiretso nga kami dito sa Principal’s office. Alam na nila ang nangyari dahil nga nagviral ang sabunutan naming iyon.
Napayuko ako habang magkaharapan kaming nakaupo ni Mandy . Yari talaga kami nito.
Kung gaano kami katatapang mag-away doon sa video, kabaliktaran ngayon. Para kaming mga pinitpit na luya at inirungan ng dila. Nakakatakot naman kasi itong si Principal kung makatingin. Tantiya ko nasa late 40’s na siya. Maiksi ang buhok at nagpapataray sa anyo nito ang may kanipisang kilay.
"Miss Mijares, ikaw an
