Halos takbuhin ko na ang direksyon tungo sa kwarto ko para lang hindi ako maabutan ni Qino kahit na alam kong imposible dahil nasa likuran ko siya. Naiinis din ako dahil mukhang walang tao dito sa amin ni isa. At hindi ko alam kung ipagpapasalamat ko iyon o hindi.
"Aisla! f**k! Saglit lang!" Frustrated niyang sabi mula sa likuran ko.
Mabilis kong pinihit ang doorknob ng kwarto ko at agad na pumasok. Narinig ko ang mabibigat niyang yabag at alam kong tumatakbo na siya. Agad kong tinulak pasara ang pintuan at nagulat ako nang iharang niya ang kalahati ng katawan niya kaya muntik ko na siyang maipit.
"Go away, Qino! Matutulog na ako!" Iritado kong sabi saka siya tinulak paalis para tuluyan ko nang maisarado ang pintuan.
"I just want to talk, Aisla! Please!" Aniya sa may pagmamakaawang ton
