Panay ang hikab ko habang naka-upo sa sahig ng bukas na pintuan ng van. Abala naman ang mga pinsan at kaibigan ko na nag-uusap-usap. Easter break na kasi at ngayon na ang outing namin pero may mga hinihintay pa kami dito sa tapat ng simbahan sa bayan kung saan ang meeting place namin. Medyo late na sila pero hindi naman namin sila masisisi dahil masyadong maaga ang oras na napag-usapan. Medyo madilim pa ang kalangitan at nakikita ko pa ang buwan at iilang morning star.
Hinilig ko ang ulo ko sa upuan sa likuran ko at iginala ang tingin sa mga nag-uusap. Nang magtama ang paningin namin ng kapatid ko ay kumunot ang noo nito. Hindi ko na lang iyon pinansin saka na lang pumikit.
"Pasok ka na sa loob, Aisla." Tinig ni Ivette. Minulat ko ang mga mata ko saka tumingin sa kanya.
"Mamaya na. Wala
