“Hindi ako pumapayag!”
“Hindi ako makakapayag!”
Mga salita na nagmumula sa magkaibang nilalang at siya ring bumulabog sa katahimikan ng paligid. Natigil ang dapat na paglapit sa akin ni Prinsipe Okeanos dahil wala pang ilang saglit ay nasa magkabilang gilid na niya sina Prinsipe Bruce at ang aking nakatatandang kapatid na si Prinsipe Alon. Parehong hindi maipinta ang kanilang mukha at bakas doon ang pagkadisgusto sa mga nangyayari.
“Ano’ng hindi pumapayag?” Hinarap sila ni Prinsipe Okeanos na ngayon ay masama na rin ang timpla ng mukha.
Nabalot ng tensyon ang buong paligid. Napatayo na rin ang mga hari at si ina na kanina ay prenteng nakaupo sa kani-kanilang mga trono roon sa likod. Noong makarating sa harapan ay ang ako agad ang hinanap ng mga mata ni ina. Sh
