IVAN LEE POV
UMAGA pa lamang ay naghihintay na ako ng pagkakataong masolo si Trisha. Makailang ulit kong tinangkang makalapit sa kanya pero palaging nakadikit sa kanya si Marco. Bantay-sarado ni Marco si Trisha at alam kong dahil iyon sa akin. Pero hindi matatapos ang araw na 'to na hindi ako nakakalapit sa kanya.
Napangisi ako nang makitang lumabas si Marco sa office nito, narinig kong pinatawag ito ni Sir Raul. Kinuha ko ang pagkakataon na iyon para pasimpleng lumabas ng opisina namin ni Ralph para silipin si Trisha.
Kanina pa ako nagtatangkang lumabas pero palagi akong nahuhuli ni Marco at alam kong sinasadya niyang sundan ako para hindi makalapit kay Trisha.
Pero akin ang pagkakataong ito, man. Pangisi-ngising lumabas ako at pasimpleng tumingin sa paligid. Malalaki ang hakbang n
