Chapter 33
TRISHA POV
WALANG imikan na kanya-kanya kami ng lagay ng gamit sa aming mga bag. Malalakas na kalibre ng baril, patalim, granada at iba pang gadget na kakailanganin sa aming misyon ngayong gabi.
Ilang sandali pa, sakay na kami ng kotse, kasama ko si Sofia sa sasakyan, maging si Marco na siyang nagmamaneho. Ang iba nama'y sa isa pang sasakyan.
Eksaktong alas-otso ng gabi ay nagmamanman na kami sa labas ng Apo King Night Club. Medyo nasa malayo pa kami dahil kasagsagan pa ng karamihan ng tao sa loob. Though sa basement ang target namin dahil naroon ang magkapatid na Zueta at ang mga ka-negotiate ng mga ito para sa pagbebenta ng mga babaeng kadarating lamang galing sa iba't ibang probinsya.
Kailangan na namin silang sugpuin dahil sapat na ang mga ebidensyang hawak namin par
