IVAN LEE POV
ILANG sandali na ang nakalipas nang putulin ni Shana ang tawag nito pero iyong ngiti ko ay hindi pa rin mawala-wala. Pakiramdam ko, worth it iyong pagsama ng loob ko sa kanya kung ganito naman ang magiging kabayaran. Parang gusto ko na lang magtampo palagi. Kung alam ko lang na magiging ganito ang kalalabasan ng pagtatampo ko, sana pala noon pa ako nagtampo, sa tuwing paghihintayin niya ako nang matagal kapag may dates kami.
At kagaya nang palagi kong sinasabi, hindi ko alam kung ano ang ginawa ni Shana sa akin para mas'yado akong mahumaling sa kanya nang ganito.
Minsan nagugulat pa rin ako sa mga bagay na kaya ko palang gawin na dati ay hindi ko naman ginagawa para sa isang babae. Tulad na lamang ng paghihintay, sa tuwing magkikita kami ay palagi ko siyang hinihintay. Mi
