CHAPTER 25
TRISHA
NAKATINGIN lamang ako sa lalaking nakabulagta sa sahig na wala nang buhay. Wala itong dugong umaagos mula sa kahit saang parte ng kanyang katawan pero alam kong wala na siyang buhay ng mga sandaling iyon. Pasimple kong iginala ang mga mata ko sa paligid ngunit wala akong napansin na kahina-hinala ang kilos.
Hindi ako umalis hangga't hindi ko nakikita ang taong inaasahan kong susugod doon para daluhan ang kanyang tauhan. At hindi nga ako nabigo dahil mabilis na dumating si Norman Zueta.
Sinadya kong makipagsiksikan sa mga taong naroon para hindi niya ako makita.
"Who did this?!" Nanggagalaiting tanong nito habang sinusuri ang sariling tauhan. May isang lalaki na lumapit dito at inutasan ni Zueta na isama na pauwi ang anak nito.
Mabilis namang tumalima ang lalaki n
