TRISHA POV
PAPASOK na sana ako sa opisina namin ni Sofia nang magbago ang isip ko. Hindi ako mapakali dahil sa ginawang pamamahiya ni Ivan sa akin kani-kanina lamang.
Hindi ko ma-gets kung bakit kailangan niyang ipaalam sa lahat na galing ako sa condo niya. Na hindi naman sana ako mapupunta roon kung hindi lang sana niya ako kinidnap.
"Sha, saan ka pupunta?" Mabilis na humabol sa akin si Sofia at hinawakan ang braso ko.
Tiningnan ko ito at inalis ang kamay nitong nakahawak sa akin.
"Saan ka pupunta?"
"May aayusin lang ako, Sofie. Bumalik ka na sa office, susunod na lang ako." Tinalikuran ko na ito pero sumunod na naman ito sa akin.
"Mauna ka na sabi–"
"Sasamahan kita. Baka mamaya ano pang mangyari sa iyo eh."
"Baliw, walang mangyayari sa akin kaya mauna ka na. Hindi ako mag
