Masama na naman ang pakiramdam ni Angie. Lately ay lagi na lang siyang mabilis mapagod at madalas rin siyang nahihilo. Inisip na lang niya na stress lang siya sa trabaho niya dahil malapit na ang audit nila.
Buti na lang at day-off niya ng araw na iyon kaya di siya agad bumangon dahil kahit umaga na ay inaantok pa siya. Ngunit maya-maya pa, imboluntaryo siyang napabangon dahil tila biglang bumaliktad ang sikmura niya. Diretso siyang nagtatakbo sa lababo nila dahil nasusuka siya pero wala naman siyang maisuka.
“Angela Grace!! Umamin ka! Buntis ka ba?!” nanlaki ang mga mata niya at agad siyang napalingon sa Mama niya na hawak ang isang bilaong may lamang paninda nito at sa hitsura nito ay mukhang paalis na sana ito para maglako.
Hindi siya agad nakasagot dahil gulat na gulat siya sa tanon
