Nang makarating sila sa condo building kung saan nandoon ang unit ni Zandro, ay agad na bumaba siya sa sasakyan nito upang kunin ang kaniyang gamit sa trunk at ang bulaklak naman sa backseat.
Naunang pumasok ang binata habang nakasunod siya rito dala-dala ang mga gamit niya. Ni hindi man lang siya tinulungan nito upang bitbitin ang iba niyang gamit pero ayos lang iyon sa kaniya.
Tahimik lamang siyang naglalakad habang nakasunod dito kahit na ang sumakay ng elevator. May mga iilang tao rin silang nakakasabay sa elevator bago nila narating ang floor kung saan matatagpuan ang unit niya.
Kaagad na binuksan ni Zandro ang pinto ng unit nito nang makarating sila sa tapat nito. Malapad ang unit nito at maluwag at wala rin masiyadong gamit bukod sa couch, center table at T.V. May dalawang kuwar
