NANG marinig iyon ni Dennis, pakiramdam niya ay pinipiga ang puso niya. Napayuko na lamang siya dahil hindi siya makapaniwala na ganoon ang isasagot sa kaniya ni Rita.
Maya maya ay nagpasya na lamang siyang umalis sa apartment ng dalaga.
"Salamat!" tanging nasambit na lamang niya at agad na tumayo. Hindi niya na rin nilingon ito at basta na lamang siyang lumabas.
Hindi naman alam ni Rita ang gagawin. Parang gusto niya itong sundan at humingi ng tawad dahil alam niya na sobra niya itong nasaktan. Ngunit nanatili lamang siya sa kaniyang kinauupuan at doon muling pinakawalan ang masasagana niyang luha.
Inaamin niyang tanga siya dahil pinakawalan niya si Dennis. At ito lang din ang tanging nagpahayag ng pagmamahal sa kaniya ngunit tinanggihan pa niya sapagkat nangangamba siya na kapag nal
