"SINASABI ko na nga ba at narito na naman sa Ice skating area si Jonquil Princez," bulalas ni Yamie na humawak pa sa may railing at tinanaw ang kaibigan nito na nag-a-Ice skating.
"Ang galing naman ng kaibigan mo, Yamie," ani Johairah na tinanaw din si Jonquil. Kilala niya ito dahil pumupunta rin ito sa bahay nina Yamie kasama ang iba pa nitong mga kaibigan. Magkakaibigang addict sa pocketbook.
"Siya ang pinakamagaling sa aming magkakaibigan pagdating sa Ice skating. Hmm, kaya naman pala. Narito din si Seung Ho."
"Seung Ho? Sino 'yon?"
"Si Yu Seung Ho, Korean guy na classmate niya at crush to death niya." May itinuro itong matangkad na lalaki na nakatalikod. Nasa loob din iyon at nag-a-Ice skating. "Kita mo? Iyon si Seung Ho. Aaminin ko na ubod din siya ng guwapo. Kaso, sad to say, dea
