NANG MAGBALING si Johairah sa labas ng bintana ng sinasakyang bus pauwi sa Pagbilao City ay napangiti siya. Naalala niya ang babaeng nasa ticket both ng bus terminal ng DLTB sa may Gil Puyat Station. Dahil on-going pa rin ang pasukan ng mga estudyante sa eskuwelahan, tinanong siya ng babae sa ticket both kung may dala raw ba siyang school ID para maka-avail siya ng discount. Sinabi naman niya na hindi na siya estudyante. At the age of twenty three ay mukha pa raw siyang sixteen years old. Bagay na ikinatuwa niya.
Napakurap siya ng tumunog ang kanyang cellphone. Kinapa niya iyon sa bag na nakapatong sa kandungan niya at agad sinagot ng mapagsino iyon. It was her cousin Yamie.
"Ate Joh, nasaan ka na?"
Napangiti siya. "Kaaalis lang ng bus sa terminal. Iti-text na lang kita kapag malapit na
