"YAMIE, sinabi ko na naman sa iyo na ayokong lumabas," inis na niyang sabi sa pinsan ng magpatuloy pa rin ang pagkatok buhat sa labas ng pinto ng kuwarto niya. Sinabi kasi nito na kanina pa sa baba si Kienlee. May usapan sila na dadalhin siya ng binata ngayong gabi sa Phase III ng Valle Encantado Village. Ngunit ng makita niya ang picture nito na kasama si Elvelyn sa Aronsdale ay nangibabaw ang puot sa kanya.
"Johairah, open this door!"
Napasinghap siya. "K-Kienlee," anas niya. Mula sa pagkakadapa sa kanyang kama ay mabilis siyang tumayo at lumapit sa nakapinid na pinto. Hindi niya iyon binuksan. "Ano'ng kailangan mo?"
"Ano ba'ng nangyayari sa iyo? May usapan tayo ngayon 'di ba?"
"Puwes, kalimutan mo na. Umalis ka na rin dito," asik na niya. "At kung puwede ayaw na rin kitang makita pa
