Dahan-dahan kung sinuot ang jacket ko dahil sa lamig at maingat na bumangon sa kama. May narinig kasi akung tunog ng helicopter at sigurado ako na lumapag ito sa helipad sa itaas. May dumating ba o baka naman may aalis. Kaagad kung binuksan ang pinto ng kwarto at kaagad na lumabas patungo sa opisina ni Khray.
Sinundan ako ng mga tauhan niya habang naglalakad ako na hindi ko naman pinansin. Nasanay na ako sa kanila na palaging naka buntot sa akin. Alam ko naman na sumusunod lang naman sila ng utos.
Hindi na ako kumatok sa kanyang opisina at basta nalang ako pumasok. Kaagad na dumapo ang kanyang paningin sa akin habang may kinakausap sa cellphone. Sinirado ko ang kanyang opisina at dahan-dahan na lumapit sa kanya at bumungad sa akin ang mga nakabalot nitong gamit. Hindi nga ako nagkakamal
