Amanda’s POV
Pagpasok ko ng courtroom ay kaagad na dumako ang tingin ko sa pinakaunahang hilera ng kabilang row na upuan. Nandoon nakaupo iyong mga mag-iina na nakaposas at sa magkabilang gilid nilang tatlo ay may nakaupong mga pulis.
Napalunok ako dahil naalala ko iyong tagpong tinangka nila akong patayin. Kaya naman umiwas na ako ng tingin saka na rin umupo. Mukhang nasa custodiya na sila ng mga pulis. Ang alam ko ay kasabwat rin nila ‘yung witness na nakita ko nu’ng last hearing. Napahinga ako ng malalim at pansin kong mas maraming tao ngayon kaysa noong hearing.
Nakarinig ako ng paghikbi kaya naman napabalik ako ng tingin sa gawi nu’ng mag-iina. Nakita kong humahagulgol ng iyak ‘yung babae. Kung noong una ay nakaramdam ako ng awa, ngayon ay hindi na. Masasama silang tao at hindi d
