"Oo, ayoko na magkaroon ng utang na loob sa'yo!" sagot ko.
Nagulat ako sa biglang pagdating at pagsabat ni Reynald, pero agad ko namang nasagot ang tanong niya. Pasikmat pa nga, para ramdam na ramdam niya na ayoko at hindi ako natutuwa sa tulong na ginawa niya.
Rinig ko ang pahapyaw niyang tawa na sinundan ng buntong-hininga. Um-acting na naman siyang affected sa sinabi ko.
"Erica, alam mo, ang hirap at ang sakit mo palang gustuhin—"
"Pinsan, pinaggagawa mo sa sarili mo? Nagmumukha ka nang tanga. Tigilan mo na nga 'yang bait-baitan mo. Lalo na ang drama mo. Hindi bagay sa'yo." Napapikit ako ng todo nang marinig ang boses ni Justin.
Kahit saan na lang ay bigla na lang sumulpot ang mga demonyo na 'to. Ewan ko ba kung bakit lagi kaming nag-aabot. Para kaming may mahabang tali sa mga
