Mapakla akong tumawa. “Wala… wala akong tinatago, Myra. Bakit ba iyan kaagad ang pumapasok sa utak mo?” tanong ko sabay iwas ng tingin.
“Kasi nga, ang weird mo. Wala ka nga bang tinatago?” tanong nito ulit.
Ang kulit din talaga niya. Umiling na lang ako. Kaya lang tingin niya ay nagdududa pa rin.
"Ang totoo, kaya ayokong pumasok ka sa kwarto ko, hindi kasi ako komportable—hindi ako komportable na may ibang tao na pumapasok sa comfort zone ko, Myra. Nakakahiya. Makikita mo pa ang mga kalat ko.” putol-putol kong palusot.
“Makalat ka?” tanong niya na para bang hindi makapaniwala na makalat akong babae.
Tipid akong ngumiti. “Kita mo naman siguro ang buhok ko at hitsura ko. Ang kalat, hindi ba? Malamang kwarto ko mas matindi pa ang kalat.”
Hindi na siya nagsalita, nakamot na lang niya a
