NAGISING ako na tila nangangalay ang batok ko. Nagtataka akong bumangon at hinilot ko ang aking batok at kaliwang kamay. Bakit nangangalay ako ngayon? Hindi naman ako naka tagilid nang magising ako. Ang ganda naman ng pagkakahiga ko dito sa unan ko, ah, pero bakit ako nagkaroon ng stiff neck? Dahil kaya sa himbing ng tulog ko kagabi, kaya heto ang kinlabasan. O, baka naman nasobrahan na ako sa kakatulog, dahil wala na akong ibang ginawa dito kun'di ang matulog at kumain.
Nagugutom na naman pala ako, makabangon na nga at makaligo muna. Baka sakaling mawala ang stiff neck ko. Mamayang gabi sa kabila naman ako babaling, para hindi sumakit lalo ang batok ko. Mahirap na, hindi pa naman ako makalabas dito at makapunta sa manghihilot. Ngunit ang tangka kong pagbangon ay hindi natuloy, dahil naki
