"WHERE'S VINCE?" Narinig niyang tanong ng mommy nina Sage sa babaeng lumapit rito.
She tried memorizing their names pero sina Serena at Blue lang ang naisaulo niya.
"Nasa kuwarto niya. Pinapatulog na ni Zeke," the woman answered.
Kakatapos lang nilang kumain at dahil hindi pa rin bumababa si Sage ay tumulong na lamang siya sa pagliligpit ng hapagkainan. Ang sabi ni Serena ay maaga nilang pinagpapahinga ang mga kasambahay nila sa tuwing may family dinner sila.
"Makulit ang isang iyon. Mana sa daddy niya."
"Iyon nga din ang sabi ni Pa. Magkasundung-magkasundo nga ang dalawang iyon, e. Ay, Ma, ako na diyan!"
Nakita niyang inaagaw nito ang tray sa kamay ng ginang.
"You better check on your son. Baka imbis na matulog e maglaro pa ang dalawang iyon," taboy nito.
Nagpatuloy ang dalawa sa
