KINABUKASAN, sakay ng private jet pabalik ng Pilipinas ang mag-iinang nadine pati na sina Jonas at Laurice. Ayaw niyang magtanong sa dalawa pero malakas ang pakiramdam niya. Sigurado siyang nasabi na ng dalaga sa pamilya nito na magkakasama na sila pabalik ng bansa dahil ang jet plane na sinakyan nila ay pag-aari ng mga Montemayor. Ngayon na kasal ang uuwian niya ay kabado siya sa maaaring maging reaksiyon ni Lath. Bakit siya darating sa araw ng kasal samantalang no’ng maghiwalay sila ay alam ng binata na sobra ang galit niya dito? Hindi tuloy siya makatulog habang nasa himpapawid sila. Hindi niya alam kung paano kikilos nang normal sa harap ng kanyang mapapangasawa matapos niya itong ipagtabuyan. Malay ba niya na mahal naman siya nito dahil mula sa simula naman ay hindi man lang ito nagsa
