PARA kay Nadine, isang napakalaking suwerte sa kanya ang pagdating ng twins sa buhay niya. Mula nang ipanganak niya ang mga ito ay doon na nag-umpisang umangat ang kanyang career. Kasabay ng paglaki nila ang pagsikat ng kanyang pangalan bilang isang magaling na architect. Bukas na ang birthday ng kanyang mga anak at busy siya sa paghahanda para dito. Imbitado ang buong architecture firm kaya naman nag-leave siya for two days para sa birthday ng kanyang mga anghel.
Nasa grocery silang tatlo at masayang tulak-tulak ng kambal ang cart. Panay ang tanong sa kanya kung alin ang mga dapat nilang damputin. Paikot-ikot sila at tawa nang tawa si Vency, ang bunso sa dalawa.
“Brother, what’s funny?” Parang gusto nang mapikon ni Vince dito.
“Ikaw kasi, Kuya, parang pusang madungis. Kakain ka lang
