Chapter 8
DUMATING si John. Hindi nga siya nag-abalang silipin man lamang ito kung hindi lang siya pinilit ng ina na salubungin nila ito sa labas. Tanghalian na kaya naman nagluto na ang mama niya nang napakarami na akala mo buong pamilya ng lalaki ang pupunta, samantalang nag-iisa lang naman pala ito.
Kitang-kita naman ang pagkagiliw ng ina sa binata na guwapo naman at mukhang palangiti dahil ngiti ito nang ngiti kulang na nga lang mapunit ang bunganga nito sa kangingiti sa kanila na sinusuklian naman niyang pilit.
Kung si Drifher ang sasalubungin niya baka may kasama pang yakap. Magalang ito at base sa sasakyan nito ay halatang mayaman ang pamilya nito. Kaya naman nang sabihin ng ina na anak ito ni Mr. Del Castillo hindi na siya gaanong nagulat. Scientist at Physical doctor it
