NAGDAAN pa ang araw na payapa kaming namumuhay sa Santa Elena. Hindi ko alam kung ikatutuwa ko ba iyon o dapat akong mas kabahan dahil alam ko na kumikilos ang aming pamilya para matunton kaming dalawa ni Yago.
May mga pagkakataon na ginagabi nang umuwi si Yago ngayon. May oras pa na amoy alak ito at halatang nakipag-inuman. Kampante naman ako sa mga kasama niya dahil alam kong sina Jose lamang iyon.
Nasa palengke ako isang umaga nang marinig ko si Carol kasama ang mga alipores nila. Dumaan sila sa harapan namin at dinig na dinig ko ang kanilang pinag-uusapan.
“Hulaan ninyo kung sino ang kasama ko kagabi!” panimula ni Carol. Hindi ko sila pinansin dahil wala naman akong pakealam sa kung sinong kasama niya kagabi.
“Sino? Sino?” tanong ng mga babaeng kaibigan niya.
Napansin ko ang pagt
