HINDI na ako bumalik pa ng ospital. Ang huling update ko mula kay Briana ay maayos naman si Yago at maaaring magkamalay na. Masaya akong marinig iyon pero mukhang hindi ko na mahihintay ang magkamalay pa siya.
Ang regalong singsing at kwintas ni Yago ay ibinigay ko kay Zeke. Sinabi ko sa kanya na siya na lamang ang mag-abot nito kay Yago dahil nawala sa isipan kong iwanan sa silid niya noong huling dalaw ko.
“Maayos na ba lahat ng gamit ninyo?”
Tulala ako habang pinapanood na pinapasok sa mga sasakyan namin ang aming mga gamit. Pabalik na kami sa Italy at ang tanging maiiwan dito sa Pilipinas ay sina Yvo at Silver. Dito na rin nila ipagpapatuloy ang pag-aaral nila habang inaasikaso at pinag-aaralan ang mga negosyo ng pamilya namin sa Pilipinas.
Simula nang gabing magpaalam ako kay Yago
