HANGGANG makauwi sa bahay ay dala-dala ko iyong business card ng lalaking nagngangalang Diego Tarragona. Mukha siyang kasing-edaran ni Yago. Iniisip ko pa rin tuloy kung saan ko ba siya nakita at narinig ang pangalan.
Tapos na akong magluto at nagpaalam na rin si Isabela sa akin dahil ipaghahanda niya pa raw ang asawa. Mas okay ang kinalabasan ng niluto ko ngayon at confident ko na itong maipapakain kay Yago.
Hinihintay ko na lamang umuwi si Yago at ginugol ko ang natitirang oras sa paninitig sa business card.
Narinig ko ang pagbukas ng pinto. Bahagya akong napaigtad dahil naandito na pala si Yago. Ipinatong ko sa center table ang business card ng lalaki at tumayo upang salubungin si Yago.
Agad kong binati ng mahigpit na yakap si Yago dahil na-miss ko kaagad siya. Naalala kong sasabihi
