"TINA, halika na... Dalian mo!"
Dali-daling sumakay si Cristina sa nakabantay na kotse ng kaibigang si Loreen mula sa kanto ng kanilang mansyon.
Tinulungan kasi siya ng mga kaibigan niya sa plano niyang pagtakas para makasama si Miguel. Bago sumapit ang gabing ito na pagtatagpo nila ng nobyo ay pinagplanuhan nang mabuti nila ng mga kaibigan niya ang gagawin para magtagumpay s'ya sa pagtakas.
Si Marcus ang tumulong ulit sa kanya para i-divert na naman ang atensyon ng mga bantay at makalabas siya nang tuluyan sa mansyon samantalang si Loreen naman ang maghahatid sa kanya sa bus terminal kung saan ang tagpuan nila ni Miguel.
"Sigurado ka na ba talaga sa gagawin mong ito, Tin?" nag-aalalang tanong ni Loreen sa kanya habang nagmamaneho.
Siguradong tumango siya. "Hindi ko kayang magkalayo k
