Oras na ng uwian ngunit hindi parin ako nag-aayos ng aking lamesa.
"Uyy, okay ka lang ba?" Nag-aalalang tanong sa 'kin ni Serah.
Kanina pa nila ako sinusubukang kausapin ngunit hindi ko sila pinagtutuunan ng atensyon. Hilaw akong ngumiti at tumango bago muling napatitig sa pintuan ng opisina ni Achetbir.
Mula kanina ay hindi pa s'ya lumalabas mula roon, ni hindi ko rin napansin kung nagpahatid ba siya ng tanghalian sa kan'yang opisina. Nakaalis na ang kaniyang ina at si Patriza ilang minuto pagkatapos kong lumabas noong umaga. Iniwanan pa nila ako ng masamang tingin saka tuluyang naglakad paalis.
Malungkot na tumingin sa akin si Feya. "Minura ka na naman ba?" Sabay haplos sa aking likod.
Marahan akong umiling saka sila tiningnan. "Okay lang ako. Medyo nagdamdam lang ako sa ginawa
