Chapter 27
Alexander
"KAILAN mo balak na dalhin ang asawa mo sa ospital, Alexander?" Galit na tanong ni Jacob, ngayong araw na ito halos hindi ko na mabilang kung ilang beses niya akong tinanong tungkol sa bagay na 'yan.
"Wala," mariin na sagot ko at hindi ko na rin mabilang kung ilang beses na akong umayaw sa tanong n'ya. "Iuwi ko na sa bahay ang asawa ko..." dagdag ko sa matabang na tono.
"You unfeeling son of b***h!" Isang suntok ang pinakawalan ni Jacob sa'kin na nagpabalandra sa'kin sa may punong narra sa likuran ko. Muli sana n'ya akong undayan nang pumagitna si T'yang Lilia. Halos lumuwa ang mga mata nitong nakatitig sa ilong ko at agad n'ya akong dinaluhan.
Maybe she was horrified to see the blood oozing from my nose.
"Jacob, ano ba ang pinagagawa mo? Baka nakakalimiutan mong
