Chapter 27–Part 02
Alexander
MULA dito sa madilim na eskinita ay may nakita akong tindahan at nagkunwaring bumili ng yosi. Sa sulok ng mga mata ko nakikita ko ang iilang pulis na nakatayo sa labas ng hospital.
Maghihintay lang ako nang tamang tiyempo, pupuslit ako sa loob mamaya. Gamit ang lighter na binigay ng tindera ay sinindihan ko ang yosi.
Hindi ako makapakali kanina pa kaya sumunod ako rito sa ospital, nagpasama ako sa anak ng kapitan doon sa Sitio Banli na ihatid ako sa bayan. Mababaliw ako sa kakaisip kong maghihintay lang ako ng balita mula kila T'yang at Jacob. Hindi na rin ako p'wede bumalik sa Sitio dahil paniguradong, kinukulit na ng mga pulis ngayon ang mag–ina.
Tama si Jacob marami akong nakitang larawan ko kung saan–saan nakapaskil.
"Gago ka talaga Leon, may araw ka
