Parang kailan lang no'ng palagi kaming nagbabangayan dahil hindi kami magkaintindihan sa lahat ng bagay. May mga pasya akong hindi siya sang-ayon at ayaw ko rin namang magpatalo. Lahat ng mga ginagawa ko ay nakasanayan ko na tapos bigla na lang siyang susulpot at makikialam sa lahat ng gagawin ko. Pinipilit niya kasi ang gusto niya palagi at masyado rin siyang pakialamero sa akin.
May sinabi ba akong nagpa-realize sa kaniya? Tanong ko sa aking isipan pero wala naman akong natatandaan. Ang natatandaan ko lang ay sinalubong niya ako ng sermon kagabi. Napaisip tuloy ulit ako pero wala talaga akong maisip. Kahit pigain ko pa ang utak ko ay wala talaga akong matandaan. Bahala na nga. Ang importante ay marunong na siyang magpakumbaba ngayon at hindi na siya kagaya noon.
"Matapos nito ay ihaha
