PHOTOGRAPH
TONYROSE JAYME
"SIR? Sir? Nandyan po ba kayo? tawag niya kay Craig habang kumakatok sa pinto ng kwarto nito. Naiinip na ibinaba niya ang mask na suot bago hawakan ang seradura ng pinto. Ang totoo, wala naman siyang kailangan sa binata, oras lang kasi ngayon ng pag-inom nito ng gamot. Hindi niya naman ito nasabihan kanina dahil hindi pa ito lumalabas ng kwarto simula pa kaninang umaga, ni hindi nga ito kumain ng almusal kahit pa ipinagluto niya ito..
"Sir, papasok na po ako, ah. 'Wag niyo po sana akong batuhin ulit," saad niya ngunit pabulong ang mga huling salita bago pihitin ang seradura at unti-unting buksan ang pinto. Sumilip muna siya sa loob ng kwarto, inilibot niya ang paningin ngunit wala siyang Craig na nakita roon.
"Sir, pasok na po ako," ulit niya bago tuluyang pum
