THERAPY 2
TONYROSE JAYME
MABILIS ang mga naging hakbang ni Tony palabas ng mansyon, ang tanging gusto niya lang ay makalayo pansamantala sa binata kaya't hindi niya na rin namalayan ang masaganang luha na patuloy na dumadaloy sa kanyang mukha. Hindi siya dapat na maniwala at umasa sa mga salitang lumalabas sa bibig ng binata dahil puro kasinungalingan lamang ang mga 'yun. Nasasaktan siya sa kabila ng pagsabi nitong mahal siya ay hindi pa rin niyon matatanggal ang katotohanang nasira nito ang buhay niya dalawang taon pa lang ang nakararaan.
Dinala ang dalaga ng kanyang mga paa sa likurang bahagi ng malaking mansyon. Natagpuan niya ang sarili sa tapat ng maliit ngunit napakagandang wishing fountain. Hindi niya alam na may ganoon doon, siguro dahil hindi naman siya naglibot o sumubok man
