TOTALLY HAPPY
TONYROSE JAYME
ABALA si Tony sa kusina nang umagang iyon. Lunes na at kababalik niya lang sa mansyon kaninang madaling araw. Inihatid naman siya ni Archer kaya't hindi siya masyadong nahirapan sa biyahe. Kung paano siya umalis nang walang nakakaalam ay ganoon din siya bumalik. Ilang araw siyang wala kaya hindi na rin siguro mapapansin ni Craig na bumalik siya. Napahikab siya, inaantok at tamad na tamad pa siyang gumalaw pero kailangan niyang kumilos para may makain ang binata paggising nito. Matapos kasi ang insedente noong Biyernes ay wala na siyang maayos na tulog sa gabi. Hindi siya pinapatulog ng sari-saring emosyong umuusbong na naman sa kanyang dibdib. Teka, bakit niya nga ba ginagawa ang ipagluto ito samantalang hindi naman nito kinakain ang mga inihahanda niya at pa
