NEVER CHANGE
TONYROSE JAYME
"ATE, mabuti naman po at dumating ka na," sambit ni Tiana na siyang nagbukas ng pinto. Sinalubong siya nito ng nakasimangot na mukha.
"Bakit, anong problema?" tanong niya bago ilapag ang mga dalang grocery. Biyernes ngayon at araw ng day-off niya gaya ng napagkasunduan nila ni Archer. Hindi na siya nagpaalam kay Craig dahil alam niyang pagsasalitaan lang siya nito ng masama at alam niya ring wala naman itong pakialam sa kanya. Nagawa na nga siya nitong saktan, hindi ba? Sa isiping iyon ay kaagad na nakaramdam si Tony ng kirot sa kanyang dibdib.
"Hindi na po talaga ako makakatagal kasama ang isang 'yan," nakasimangot pa ring sabi nito bago ituro gamit ang nguso si Archer na nasa maliit nilang kusina at abala sa pagluluto kasama ang tatlo niya pang kapatid n
