KALALABAS lang ng banyo ni Luna at basa pa kanyang buhok nang nagmamadali na sinagot ang phone niya na kanina pa walang tigil sa pag-ring.
“Hello?” nagtatakang bungad niya matapos sagutin ang numero na hindi nakarehistro sa kanyang phone.
“Hello, Ma’am Ysabel Jimenez?” wika ng lalaki sa kabilang linya.
“Opo, ito po si Ysabel. Sino sila?”
“Ay Ma’am, delivery po para sa inyo.”
Lalong kumunot ang noo ni Luna at nagtataka na napaisip.
“Delivery? Kuya wala ho akong inoorder kahit na ano,” sabi pa niya.
“Ay hindi po, may nagpadala sa inyo.”
Lalong nagtaka si Luna. Wala siyang pinagsasabihan ng address ng bahay ni Blaine. Mas lalo siyang walang kaibigan para magpadala ng kung ano. Mas lalo na hindi tatangkain ng kahit sino sa USO na padalhan siya ng kung ano. Mayamaya ay tumikhim
